Ուղղակի ձյուն եկավ...
Փորձեցի, հավատա, փորձեցի չհիշել...
Գնալով երկու տարի առաջ...
Օր առ օր, ժամ առ ժամ...
Հիշեցի...
...երբ դեռ սոցցանցում իրար անիմաստ հյուր էինք գալիս:
...երբ մի օր պատահաբար խանութում հանիպեցինք:
...երբ փոխադարձ իրար ժպտացինք:
...երբ որոշեցիր գրել:
...երբ չպատասխանեցի:
...երբ միակ ցանկությունս կրկին քո գրելն էր:
...երբ իրարից ստատուս էինք գողանում:
...երբ էլի գրեցիր:
...երբ չկարողացա չպատասխանել:
...երբ անվերջ խոսում էինք:
...երբ հիվանդացա և ասում էիր, որ քո միակ դեղամիջոցը ես եմ:
...երբ չէիր քնում ինձ հետ խոսելու համար:
...երբ առաջարկեցիր հանդիպել:
...երբ չէի համարձակվում:
...երբ համբերատար սպասեցիր:
...երբ չէինք գտնում իրար, որովհետև հեռախոսահամարներ չունեինք:
...երբ ինձ իմ սիրած վարդերից նվիրեցիր:
...երբ քայլում էինք փողոցներով:
...երբ իրար կոնֆետներ նվիրեցինք:
...երբ քննության էի, և ամենից շատ դու էիր անհանգստանում:
...երբ դու քննությունդ ստացար և առաջինը ինձ զանգեցիր:
...երբ գնացինք միասին եկեղեցի:
...երբ պատահաբար ասացի ինչ համար կուզեի ունենալ, իսկ դու երեկոյան այն բերեցիր:
...երբ ջանք չէիր խնայում երազանքներս կատարել:
...երբ ուշ գիշերով ասացի, որ պաղպաղակ եմ ուզում, իսկ դու ասացիր՝ կլինի՞ վաղը ուզես:
...երբ ստուգում էի քո կենսաբանության գիտելիքները:
...երբ գլխավոր խոսքերը չէինք համարձակվում ասել:
...երբ անընդհատ կռվում էինք, որ ես քեզ չէի զանգում:
...երբ վերջապես ասացիր, որ ինձ սիրում ես անսահման` տիեզերքի չափ:
...երբ վերջապես ասացի, որ քեզ սիրում եմ իմ կյանքից շատ:
...երբ սկսեցիր մտածել, որ ես քեզ արժանի չեմ:
...երբ պատճառներ էիր հորինում:
...երբ սկսեցի զգալ, որ առանց քեզ չեմ կարող:
...երբ համոզում էիր, որ առանց քեզ ինձ համար ավելի լավ կլինի:
...երբ չէի համակերպվում:
...երբ չէիր համոզվում:
...երբ առաջին անգամ քեզ զանգեցի:
...երբ ասացիր, որ միասին կլինենք մյուս կյանքում:
...երբ էլի հանիպեցինք:
...երբ առաջին անգամ ինձ գրկեցիր:
...երբ չկարողացար գնալ:
...երբ ասացիր, որ առանց ինձ չես կարող:
...երբ համոզվեցի, որ առանց քեզ ես չկամ:
...երբ միասին ցանկացանք, որ ձյուն գա և ժամեր անց այն եկավ:
...երբ ձեռքս բաց չէիր թողնում:
...երբ անձրև եկավ:
...երբ առաջարկեցիր դուրս գալ:
...երբ չէի ուզում:
...երբ համոզեցիր:
...երբ հայտնվեցի ձեռքերդ մեջ` փողոցի կենտրոնում:
...երբ մրսում էի, և դու տվեցիր քո վերարկուն:
...երբ միասին տաքացանք:
...երբ կրկնում էիր, որ սիրում ես:
...երբ չէի հավատում, որ երջանիկ եմ:
...երբ սկսեցի լսել երգեր, որոնք երբեք չէի լսի, եթե դու չլինեիր:
...երբ ամեն ինչ 24 ժամում փոխվեց: 
...երբ զանգում էի, իսկ դու չէիր պատասխանում:
...երբ ասացիր, որ սառել ես:
...երբ չէի հավատում:
...երբ փորձում էիր համոզել:
...երբ չեկար հանդիպման:
...երբ գրում էի:
...երբ չէիր պատասխանում:
...երբ բավական ժամանակ անցավ:
...երբ իրար տեսնելիս ճանապարհ էինք փոխում:
...երբ կարոտում էի:
...երբ երկու տարի անցավ:
...երբ մոռացար:
...երբ չմոռացա:
Երկու տարի ձեռքերս չտաքացան ուրիշի ափերում, երկու տարի ես չդողացի ուրիշի ձայնից, երկու տարի ուրիշին չասացի, որ սիրում եմ...
Ուղղակի ձյուն եկավ. ես հիշեցի...

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել