Ինչո՞ւ են մահմեդական երիտասարդները վերածվում ինքնասպան ահաբեկիչների. այս հարցը դարձել է քննարկման առարկա: Պատասխանը հստակ է՝ որովհետև խնդիրներ ունեն լուծելու քրիստոնյա աշխարհի հետ, իսկ քանի որ մահմեդական ազգաբնակչության մեծամասնությունն այսօր մտածում է ճիշտ այնպես, ինչպես եվրոպական միջնադարում մտածում էր քրիստոնյան, ապա հեշտ է գտնել ծայրահեղականներ ու օգտագործել նրանց, եթե դա անհրաժեշտ լինի ինչ-ինչ կրոնական ուժերի. իզուր չէ, որ այսօր նրանց օրացույցով 1436-1437 թվականն է: Եվ այդ դեպքում կարիք չկա հատուկ փնտրել պարանոիկ հիվանդների, ինչպես կարծում են որոշ մասնագետներ: Որպեսզի վիրավորած չլինեմ մահմեդականներին, ասեմ, որ հայաստանցիներս այնքան էլ շատ չենք տարբերվում նրանցից մեր մտածողությամբ՝ մինչև վերջ դրան տրվելուն մեզ «խանգարում» է քրիստոնեությունը:
