754484537170907Galatv.am-ը գրում է.

Մի քանի հարյուր մարդ մասնակցել են Մոսկվայում Թուրքիայի դեսպանատան դիմաց տեղի ունեցած բողոքի ակցիային՝ շենքի վրա քարեր, ձվեր եւ ներկով լի շշեր նետելով, հաղորդում է BBC-ն:

Ցուցարարները կոտրել են կառույցի պատուհանների ապակիները: Ոստիկանությունը չի միջամտել եւ բերման չի ենթարկել օրինախախտներին:

Ինչպես հայտնել է դեսպանատան մամլո քարտուղար Օրհան Գազիգիլը, աշխատակիցները վախեցել են եւ միջանցքներում չեն հայտնվել: Նրանցից ոմանք թեթեւ վնասվածքներ են ստացել:

Ցուցարարները պարզել են «Հարված թիկունքին», «Չեմ մեկնում Թուրքիա» եւ այլ գրություններով պաստառներ:

Հիշեցնենք, որ երեկ թուրք-սիրիական սահմանի մոտ, Կիզիլդաղ լեռան շրջանում ռուսաստանյան ռազմական օդանավ էր խոցվել թուրքական ռազմաօդային ուժերի ինքնաթիռների կողմից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել