2011 թ. դեկտեմբերի 3-ին «Օրանժ Արմենիա»-ի Հյուսիսային պողոտայի մասնաճյուղից գնել եմ «HTC Sensation»` IMEI - xxxx։ 2012 թ. հոկտեմբերի 3-ին այն փչացել է և որպես «սև էկրան» խնդրով տեխնիկական սպասարկման է վերցվել Remzone-ում։ 1 ամիս սպասելուց հետո, այն հանել եմ Remzone-ից և բերել «Օրանժ Արմենիա»-ի Հյուսիսային պողոտայի մասնաճյուղ և հանձնելով տեխնիկական սպասարկման՝ ստացել եմ «Samsung Galaxy Mini» հեռախոս: Փոխարինման հեռախոսը ֆունկցիոնալ առումով զիջում էր իմ հեռախոսին՝ նույնիսկ զրկված էի կորպորատիվ նամակներս ստուգելու հնարավորությունից, որը սակայն շատ կարևոր է իմ համար։
2012թ. նոյեմբերի 26-ին զանգահարեցին ինձ և ասացին, որ հեռախոսս պատրաստ է և կրկին այցելելով «Օրանժ Արմենիա»-ի Հյուսիսային պողոտայի մասնաճյուղ իմ հեռախոսը վերցնելու, նկատեցի կորպուսի մասի ներքևի մասում սպիտակ կտոր՝ սևի փոխարեն։ Բացի այդ՝ ստուգելով IMEI *#06# միջոցով նկատեցի, որ այն նույնպես փոխված է՝ xxxx-ից yyyy։ Իմ հարցին, թե ինչու են այսքան փոփոխություններ արվել, տեխնիկական բաժնի աշխատակիցը խնդրեց ևս օր այդ հարցի պարզման համար։ Նոյեմբերի 28 կրկին ինձ զանգահարեցին և ասացին, որ կատարվել են մեծ փոփոխություններ։ Այդ օրը հանձնելով ժամանակավոր հեռախոսը և վերցնելով վերանորոգվածը՝ Google Play -ի միջոցով (չեմ տեղադրել իմ կամ երրորդ անձի կողմից գրված և Google Play չտեղադրված ծրագրեր) տեղադրել եմ իմ հիմնական ծրագրերը և խաղերը։ Այդ բոլոր ծրագրերը և խաղերը, որոնք շատ լավ աշխատում էին հեռախոսի վրա մինչև վերանորոգումը, ուղղակիորեն չեն աշխատում «վերանորոգված» հեռախոսով, իսկ «վերանորոգված» հեռախոսը բազմակի անջատվում և միանում է՝ ընդհուպ ցիկլիկի։ Այդ ամենը ես նկարահանել եմ և կարող եք դիտել այս հասցեում։ Նոյեմբերի 29 - ին ԿՐԿԻՆ այցելեցի «Օրանժ Արմենիա»-ի Հյուսիսային պողոտայի մասնաճյուղ («վերանորոգված» հեռախոսը վերցնելուց դեռ 24 ժամ չէր անցել) ցույց տվեցի այն տեխնիկական բաժնում, որտեղ և չփորձելով խնդիրը նորմալ հասկանալ՝ հեռախոսը բերեցին գործարանային վիճակին (24 ժամ չէր անցել)։ Տեխնիկական սպասարկման աշխատողը այն աստիճան ՀԵՌՈՒ էր տեխնիկայից, որ ինձ ցույց է տալիս իմ էլ-նամակների քանակը ու ասում է՝ «ԲԱ ԷՍՔԱՆ ԱՔԱՈՒՆՏ ԵՍ ԱՎԵԼԱՑՐԵԼ ՈՒ ԻՆՏԵՐՆԵՏ ԵՍ ՄՏԵԼ, ՈՒԶՈՒՄ ԵՍ ԱՇԽԱՏԻ՞»: Դե ինչքան փորձեցի բացատրել, որ ՀԱՐԳԱՐԺԱՆ ՏԵԽՆԻԿԱՅՈՑ ԲԱՑԱՐՁԱԿ ՊԱՏԿԵՐԱՑՈՒՄ ՉՈՒՆԵՑՈՂ, ՍԱԿԱՅՆ ՏԵԽՆԻԿԱԿԱՆ ԲԱԺՆԻ ՍՊԱՍԱՐԿՈՒՄՈՒՄ ԱՇԽԱՏՈՂ ես այսքան ԱՔԱՈՒՆՏով աշխատացրել եմ հեռախոսս մինչ Ձեր մոտ վերանորոգման բերելը՝ անցավ ապարդյուն: Նույն տեղը ես վերադարձա նոյեմբերի 30-ին ու նույն աշխատակցին ցույց տվեցի՝ նույնիսկ ՎԻԴԵՈ չեմ կարող նկարահանել, քանի որ հեռախոսը անջատվում է: Մի քանի անգամ ստուգելուց հետո նա ՎԵՐՋԱՊԵՍ ԱՐԴԵՆ ԹՎՈՎ ԵՐՐՈՐԴ ԱՆԳԱՄ ՀԵՌԱԽՈՍՍ ՎԵՐՑՐԵՑ ՎԵՐԱՆՈՐՈԳՄԱՆ:
Փաստացի այդ շաբաթվա մեջ «Օրանժ Արմենիա»-ի Հյուսիսային պողոտայի մասնաճյուղում անց եմ կացրել օրական միջինում 1 ժամ՝ հերթերին սպասելով, դիմումներ գրելով և տեխնիկական սպասարկման հետ ԶՐՈՒՑԵԼՈՎ:
Այսքանից հետո, երբ facebook կամ twitter որևիցե բան եմ գրում Orange Armenia մասին, մյուս օրը ինձ զանգահարում են Orange Armenia - պաշտոնական էջ և հարցնում են, թե ինչու եմ ես դա գրել: Նույնիսկ ինձ զանգահարել են Remzone - ից ու խնդրել են, որ facebook կամ twitter չգրեմ Orange-ի հետ կապված, քանի որ «Orange» չի կարողանում իր բաժանորդների հետ համաձայնության գա և խնդրում է երրորդ կազմակերպությունների օգնությունը:
Ավելի խղճուկ էր նրանց պատասխանը ՝ ուղղարկված իմ էլփոստին: Ահա հատված -
«Ի պատասխան Ձեր 29.11.2012թ. և 30.11.2012թ. գրությունների` տեղեկացնում ենք, որ «Օրանժն» իր բաժանորդներին առաջարկում է տարբեր ընկերությունների կողմից արտադրված և մատակարարված հեռախոսներ, և խոտանի հայտնաբերման դեպքում գործում է երաշխիքային սպասարկում:
Հիշեցնենք, որ դեկտեմբերի 3-ին Remzon սերվիս-կենտրոնի աշխատակիցը կապ էր հաստատել Ձեզ հետ, և Դուք համաձայնվել եք ևս մեկ անգամ դիմել երաշխիքային սպասարկման:
Ցանկանում ենք տեղեկացնել, որ «Օրանժից» Ձեր կողմից ձեռք բերված «HTC Sensation» մոդելի հեռախոսի փոխարինման Ձեր պահանջը չի կարող բավարարվել, քանի որ Դուք այն երաշխիքային սպասարկման եք ուղարկել սույն թվականի դեկտեմբերի 3-ին, հետևաբար մինչև երաշխիքային սպասարկման ժամկետի ավարտը և երաշխիքային սպասարկման արդյունքում համապատասխան հետազոտության արդյունքներն ունենալն «Օրանժն» իրավասու չէ որևէ որոշում կայացնել: Երաշխիքային սպասարկման վերջնական արդյունքներն ունենալուն պես Ձեզ հավելյալ կտեղեկացնենք:»
Ստացվում է, որ «Orange» մոռացել է, որ 2011 թ. դեկտեմբերի 3-ին «HTC Sensation» մոդելի հեռախոսը ձեռք եմ բերել իրենց մոտից: Երաշխիքային սպասարկումը հետևաբար կապված է ՀԵՆՑ «Orange» հետ: Երաշխիքային սպասարկման ընթացքում հնարավոր է, որ «Orange» «ընդունենք» ուղարկեր հեռախոսը Չինաստան, որը ԲՆԱՎ չի նշանակում, որ ես պետք է կապ հաստատեմ չինացիների հետ և նրանց հետ համաձայնության գամ: «Orange» աշխատակիցները պարբերաբար ինձ տալիս են միևնույն պատասխանը՝ ՄԵՆՔ ՄԻՋՆՈՐԴ ԿԱԶՄԱԿԵՐՊՈՒԹՅՈՒՆ ԵՆՔ: Ես այդ արտահայտությունը նմանեցնում եմ հայաստանյան տոնավաճառներում Թուրքիայից ապրանք վերավաճառող առևտրականների պատասխանին, երբ ապրանքի հետ խնդիր է լինում: Չեմ կարծում, որ ֆրանսիական գիգանտի վարկանիշը այդքան ընկել է: «Orange»-ի պարտականության մեջ էր մտնում վերանորոգել իմ հեռախոսը, ինչը «Orange» կատարել է ԿԱՏԱՐՅԱԼ ՎԱՏ: «Orange»-ի տեխնիկական սպասարկման աշխատակիցները փորձում էին ինձ մոլորեցնել և խաբել, որը ինձ համար ընդունելի չէ (աշխատում եմ առաջատար կազմակերպությունում որպես ծրագրավորող):
Այսպիսով, արդեն 3 ամիս է, ինչ իմ հեռախոսը վերանորոգվում է: Հույս չունեմ, որ այն վերջնականապես կվերանորգվի՝ հիմնվելով և կարծիք կազմելով «Orange» աշխատանքի որակի և հաճախորդների սպասարկման որակի հիման վրա:
