Բաղադրիչներ
- կարտոֆիլ - 1 հատ
- բազուկ - 3 հատ
- սոխ - 1 հատ
- նեխուր - 1 հատ
- քացախ - 2ճ/գդ
- շաքարավազ - 1թ/գդ
- ջուր - 6 բաժակ
- ձիթայուղ
- աղ
- պղպեղ սև
Պատրաստման եղանակ
- Մաքրում ենք բազուկն ու անցկացնում քերիչով:
Կտրատում ենք խորանարդիկներով կարտոֆիլը, նեխուրն ու սոխը:
- Առանձին կաթսայի մեջ լցնում ենք կտրատված սոխն ու նեխուրը և տապակում ձիթայուղի մեջ 10 րոպե թույլ կրակի վրա, ապա ավելացնում ենք կարտոֆիլն ու 5 բաժակ ջուրը և եփում (փակ կափարիչով) թույլ կրակի վրա մինչև կարտոֆիլի պատրաստ լինելը:
- Առանձին կաթսայի մեջ լցնում ենք քերիչով անցկացրած բազուկը, վրան լցնում 1 բաժակ ջուրը, քացախն ու շաքարավազը, դնում միջին կրակի վրա ու հասցնում եռման աստիճանի, ապա թուլացնում ենք կրակը և թողնում, որ եփվի ևս 1,5 ժամ փակ կափարիչով:
- Ապա միացնում ենք երկու կաթսաների պարունակությունները և թողնում, որ սառչի: Ստացված ապուրը հարում ենք բլենդերի միջոցով, մինչև ստացվի պյուրե:
- Ստացված պյուրեն լցնում ենք առանձին կաթսայի մեջ, ավելացնում աղը, սև պղպեղը և դնում կրակի վրա և հասցնում եռման աստիճանի, ապա հանում ենք կրակի վրայից, թողնում ենք, որ սառչի և տեղափոխում ենք սառնարան 2 ժամով:
Պատրաստի ապուրը լցնում ենք ափսեների մեջ և մատուցում:
Մատուցելիս զարդարեք բազուկով սառը ապուրը կտրատված կանաչիով և մայոնեզով:
Նյութի աղբյուր՝ http://www.cooks.am/%D5%A2%D5%A1%D5%A6%D5%B8%D6%82%D5%AF%D5%B8%D5%BE-%D5%BD%D5%A1%D5%BC%D5%A8-%D5%A1%D5%BA%D5%B8%D6%82%D6%80/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
