Նոյեմբերի 3-ին` տեղական ժամանակով ժամը 03.10-ին, ՀՀ ՏԿԱԻՆ-ը տեղեկատվություն է ստացել, որ ՌԴ-ի ժամանակով 02:08-ի սահմաններում Մ-4 դաշնային ավտոճանապարհի 220-րդ կմ-ում՝ Տուլայի տարածաշրջանի Ուզլովսկիյ շրջանի Իլինկա գյուղի մոտակայքում Մոսկվա-Երևան երթուղու ավտոբուսը վթարի է ենթարկվել:

Վթարի արդյունքում մահացել էին 8 ուղևոր, ևս 42 մարդ վնասվածքներ է ստացել: Ներկայումս բժիշկները բազմաթիվ տուժածների դեռ թույլ չեն տալիս ինքնաթիռ նստել:

Այսօր գործադիր մարմնի նիստում վարչապետը տեղեկացրեց, որ պետությունը կհոգա վերը նշված վթարի հետևանքով առաջացած ծախսերը` կապված հուղարկավորությունների և տուժածների բուժումների հետ:

Այս իրավիճակում շատ կարևոր է, որ քաղաքացիները զգան պետության աջակցությունը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել