Նախորդ տարվա 9 ամիսների համեմատ հանրապետությունում ծնունդները պակասել են 2.5%-ով

2015թ-ի առաջին ինը ամիսներին հանրապետությունում ծնվել է 30 հազ. 666 երեխա, որը 2014թ. նույն ժամանակաշրջանի համեմատ նվազել Է 2.5%-ով, 2013թ. համեմատ՝ աճել է 0.6%-ով: Այս մասին տեղեկացնում է Ազգային վիճակագրական ծառայությունը իր հրապարակած վերջին ցուցանիշներում: Ծնելիության ընդհանուր գործակիցը 1 000 բնակչի հաշվով, նվազել է 0.2 պրոմիլային կետով:

Նշենք, որ այս տարվա առաջին 9 ամիսներին գրանցված ծնունդների 12 հազ. 37 ծնունդները գրանցվել են մայրաքաղաքում, մյուսները՝ մարզերում:

2015թ. հունվար-սեպտեմբերին ծնվածների թվաքանակը 1.5 անգամ գերազանցել է մահացության դեպքերը: Բնական հավելաճի գործակիցը, 1 000 բնակչի հաշվով, 2015թ. հունվար-սեպտեմբերին կազմել է 4.4%: