ԱՄՆ պաշտպանության նախարարությունը անհանգստացած է ռուսական նավերի և սուզանավերի հայտնվելով այն ջրերում, որտեղով անցնում են ԱՄՆ-ին համացանցով և հեռախոսակապով ապահովող օպտիկամանրաթելային մալուխները: Այս մասին հաղորդում է The New York Post-ը՝ հղում անելով տեղեկատվական աղբյուրներին:
Պարբերականի տվյալներով՝ Պենտագոնում մտահոգվում են, որ լարվածության աճի կամ երկու երկրների միջև հակամարտության դեպքում մալուխները կարող են վնասվել ռուս զինվորականների կողմից՝ արևմտյան երկրների քաղաքացիներին ու իշխանություններին առանց կապի թողնելու համար:
Ըստ պարբերականի՝ Պենտագոնն ու ԱՄՆ հետախուզական գերատեսչությունները նման սպառնալիքների մասին տեղեկությունը պահում են խիստ գաղտնի և հրապարակավ չեն քննարկում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել