Pastinfo.am-ը գրում է.«6-րդ զգայարան» հաղորդման էքստրասենս Անի Մաջնունյանի սպանության մեջ մեղադրվող Մուշեղ Մխիթարյանը շարունակում է հացադուլը:
Այդ մասին «Փաստինֆո»-ի թղթակցին հայտնեց ՀՀ ԱՆ ՔԿՎ հանրային կապերի բաժնի պետ Գոռ Ղլեչյանը՝ հավելելով, որ Մուշեղ Մխիթարյանի առողջական վիճակը գնահատվում է բավարար:
Մուշեղ Մխիթարյանը հացադուլի մեջ է գտնվում հոկտեմբերի 12-ից և բողոքում է իր քրեական գործից:
Հիշեցնենք նաև, որ օգոստոսի 5-ին իր բնակարանի ննջարանի հատակին հայտնաբերվել է էքստրասենս Անի Մաջնունյանի դին՝ կտրող-ծակող առարկայով պատճառված բազմաթիվ մարմնական վնասվածքներով։
Նրա դիակի վրա արձանագրվել է 58 վնասվածք։ Իսկ նրա սպանության մեջ մեղադրվող Մուշեղ Մխիթարյանը առաջադրված մեղադրանքը չի ընդունում:
Նախաքննության հիմնական վարկածներից մեկն ավազակության նպատակով կատարված սպանությունն է, քանի որ էքստրասենսի տունն ամբողջությամբ տակնուվրա է արված եղել։
Նյութի աղբյուր՝ http://www.pastinfo.am/hy/node/81028
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
