Tert.am-ը գրում է.

ԱՄՆ-ի օդատիեզերական գործակալության՝ ՆԱՍԱ-ի տեսախցիկները գրանցել են հոկտեմբերի 13-ին Արևի վրա տեղի ունեցած հզոր պայթյունը։ Լուսանկարների հիման վրա ստացված տեսանյութը տեղադրվել է տիեզերական գործակալության կայքում, գրում է korrespondent.net-ը։

Հրապարակված տեսանյութում երևում է, թե ինչպես է շիկացած գազի հսկայական «շատրվանը» ժայթքում աստղի մակերևույթից, որն այնուհետ աստիճանաբար մարում է։

Ինչպես բացատրվում է տեսանյութի նկարագրությունում՝ այդ «շատրվանները» գազի «անկայուն» ամպեր են, որոնք մնում են Արևի մակերևույթի մոտ մագնիսական դաշտերի օգնությամբ։ Տեղի ունեցած պայթյունից հետո այդ ամպերը կրկին վերադառնում են Արևի մակերևույթին։

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել