«Երբ Oleg Oprisco-ն համաձայնվեց մեզ հարցազրույց տալ, մենք երջանկությունից լուսնի վրա էինք»․ գրում է լուսանկարների ամենահեղինակավոր՝ 500px․com կայքի խմբագրությունը։
Եթե չճանաչեցիք նրա անունը, ապա անպայման կճանաչեք նրա լուսանկարները։ Օպրիցկոն ուկրաինացի աշխարհահռչակ լուսանկարիչ է, ով իր նկարներին եթերային, հեքիաթային շունչ է հաղորդում։ Նրա նկարները շատ լուսանկարիչների են ոգեշնչում, ովքեր փորձում են լուսանկարել այն նույն հեքիաթը, որը միայն Օպրիսկոյին է հատուկ և որով մենք բոլորս հիանում ենք։
500px: Բարև Օլեգ, կարող եք մի փոքր պատմել ձեր մասին։
Օլեգ Օպրիցկո։ Ես ծնվել եմ Ուկրաինայի արևմուտքում գտնվող Լվով քաղաքում։ Ուսումս ավարտելուց և մի փոքր աշխատելուց հետո տեղափոխվեցի Կիև, որտեղ աշխատում էի գովազդներ նկարող հայտնի լուսանկարչի մոտ որպես օգնական։ Ես փող վաստակում էի, բայց կորցնում էի իմ կրեատիվությունը։ Երկար ժամանակ կարծում էի, որ դա այն ամենն էր, ինչի ես ունակ եմ, մինչև որ չփորձեցի նկարել տեսաժապավենի վրա։ Դա փոխեց իմ կյանքը։
500px։ Ասացիր, որ լուսանկարչի քո ուղին սկսվել է 16 տարեկանում, երբ աշխատում էիր լուսանկարչի մոտ։ Արդյոք այդ փորձը օգնեց քեզ հետաքրքրվելու լուսանկարչությամբ։
Օլեգ Օպրիցկո։ Այո, դա իմ կյանքի կարևորագույն պահերից մեկն էր, որովհետև որպես օպերատոր իմ աշխատանքն էր մշակել լուսանկարները։ Ինձ վստահված էր մի քանի կոճակ, որով ես շտկում էի լուսանկարներ կոնտրաստը և լուսավորությունը։ Ես մի քանի տարի ապրեցի «ռեալիթի շոու» կարգավիճակում՝ դիտարկելով կյանքի ամեն օրը։ Ես այցելեցի հազարավոր հարսանիքներ, ծնունդներ և որոշ հատուկ միջոցառումներ։ Ես կարող էի հավերժ անել այդ ամենը, որովհետև ինչպես ես անվանում եմ դրան «ռոբոտի» կարգավիճակում էի։ Դա նշանակում է մի քանի ամիս շարունակ աշխատել շաբաթը 7 օր։ Փորձը ինձ օնգնեց հասկանալ, թե ինչ գույներ են սիրում մարդիկ, որն էլ ես օգտագործում եմ մինչև այօր։
500px։ Լուսանկարչության մեջ ամենից շատ ի՞նչն ես սիրում։
Օլեգ Օպրիցկո։ Ես սիրում եմ բոլոր ուկրաինացիներին, ես սիրում եմ ազատություն։ Ես սիրում եմ ժամանակը կանգնեցնելու ու իրականության իմ տարբերակը ստեղծելու ունակությունը։
500px։ Որտեղի՞ց ես ոգեշնչվում
Օլեգ Օպրիցկո։ Մենք շատ հուզիչ ժամանակներում ենք ապրում։ Ամեն ինչ շատ արագ է փոխվում․ եղանակը, ճարտարապետությունը, լանդշաֆտը, մարդիկ, ժամանակը։ Մենք տեսնում ենք, թե ինչպես է այս ամենը փոխվում մեր աչքի առաջ։ Ոգեշնչումը շրջապատում է մեզ։ Այն ամենը, ինչ որ կատարվում է մեզ հետ, ոգեշնչման անսպառ աղբյուր է։ Ու իմաստ չկա գողանալ ուրիշինը։ Միայն քո սեփականն է անկրկնելի։ Հավատացեք, 18-րդ, 19-րդ դարերի ցանկացած ստեղծագործող կնախանձեր մեզ։ Մենք կարող ենք ապրել որտեղ ուզենք, ստեղծել ինչ ուզում ենք և ցույց տալ դա ամբողջ աշխարհին։ Ամեն ինչ մեր ձեռքերում է։
500px։ Կարո՞ղ ես ինչ որ հետաքրքիր պատմություն պատմել լուսանկարչի քո փորձից։
Օլեգ Օպրիցկո։ Ամեն լուսանկարը անկրկնելի պատմություն ունի։ Իմ մոդելները հերոսուհիներն են և ես սիրում եմ նրանց դրա համար։
500px։ Լուսանկարչությունը քո սիրած զբաղմո՞ւնքն է, թե՞ մասնագիտությունը։
Օլեգ Օպրիցկո։ Զվարճալի հարց էր։ Ես միայն լուսանկարչությամբ եմ զբաղվում։ Եթե լավ արդյունքներ ես ուզում, դա չի կարող պարզապես սիրած զբաղմունք մնալ։
500px։ Քո լուսանկարներում շատ բարդ կերպարներ և հանդերձանքներ կան։ Դու այդ ամենի դիզայնը և պատրաստումը ի՞նքդ ես անում, թե՞ օգնական ունես։
Օլեգ Օպրիցկո։ Ես միշտ փորձում եմ ամեն ինչ ինքս անել։ Հագուսգտները հավաքում եմ շուկաներից կամ հին ստուդիաներից և հետո մտացում, թե ինչպես հարմարեցնեմ ինձ։
500px։ Ինչքա՞ն ժամանակ է քեզանից խլում մեկ լուսանկարի համար պատրաստվելը։
Օլեգ Օպրիցկո։ Ես նոթատետր ունեմ, որտեղ պահում եմ բոլոր իմ մտահաղացումները։ Երբ ամեն ինչ այնպես է ստացվում, ինչպես ես պատկերացրել եմ, պատրաստական աշխատանքները տևում են երկուսից երեք օր։ Դա կախված է եղանակից, մարդկանցից և տրամադրությունից։ Երբեմն այն աշխատանքը, որ ես անում եմ, չի հանգեցնում այն արդյունքի, որը ես ուզում եմ։
500px։ Դու լուսանկարում ես տեսաժապավենի վրա։ Ինչո՞ւ
Օլեգ Օպրիցկո։ Ես տեսաժապավենով եմ լուսանկարում։ Շատ դժվար է մի քանի բառով բացատրել, թե ինչու։ Լրիվ ուրիշ համակարգ է։ Ես լուսնկարում եմ 12 կադր և վայելում ամեն մեկի կարևորությւոնը։ Ես մանրակրկտորեն աշխատում եմ ամեն կադրի վրա։ Սա ֆանտաստիկ պրոցես է։ Սեղմում ես կոճակը, բայց չգիտես թե ինչ է ստացվում։ Սա է իրական հրաշքը։ Ես երբեմն սեմինարներ եմ անցկացնում, և շատ զվարճալի է նստել լուսանկարիչների առջև, ովքեր 2000-3000 դոլար արժողությամբ տեսախցիկներ և օբյեկտիվներ ունեն, իսկ իմ սեղանին հին Kiev 6C է, որը արժե 50 դոլար։
500px։ Ի՞նչ խորհուրդ կտաս սկսնակ լուսանկարիչներին։
Օլեգ Օպրիցկո։ Խորհուրդ եմ տալիս ժամանակը իմաստուն օգտագործել։ Ծուլությունը ամենավատ թշնամին է։ Բավական է նայեք ձեր կուռքերի կողմից արված լուսանկարներին։ Արդեն բավական մեկնաբանել եք այն աշխատանքերը, որոնք ձեզ դուր չեն գալիս։ Ժամանակն է ինքներդ լուսանկարեք։ Լավագույն լուսանկարները ձերն են։ Գնացեք նկարելու։
