Ալեն Դանիելյանն ու Հրայր Շահվերդյանը կպայքարեն չեմպիոնի կոչման համար

Yerkir.am-ը գրում է.

Ուկրաինայում ընթացող` Կլիչկո եղբայրների անվան միջազգային մրցաշարը մոտեցել է եզրագծին: Այսօր կկայանան եզրափակիչները: 10 քաշային կարգերից երկուսի եզրափակիչում Հայաստանը կունենա ներկայացուցիչ:

Ուկրաինայում մեր երկրի դրոշը ամենից վեր կփորձեն բարձրացնել 49 կգ քաշային Ալեն Դանիելյանը և 56 կգ քաշային Հրայր Շահվերդյանը: Եզրափակիչում Ալեն Դանիելյանի մրցակիցը կլինի ուկրաինացի Մուրադ Սիրյոգևը, իսկ Հրայր Շահվերդյանը կմենամարտի Ղազախստանը ներկայացնող Երթուգան Զեինուլինովի հետ. տեղեկացնում է Հայաստանի բռնցքամարտի ֆեդերացիայի մամուլի ծառաությունը: