ԱՄՆ նախագահ Բարաք Օբաման Կոնգրեսին ուղղված նամակում մտադրություն է հայտնել շարունակել տնտեսական ճնշում գործադրել Իրանի վրա նույնիսկ կոնգրեսականների կողմից միջուկային ծրագրի վերաբերյալ գործարքին հավանություն տալուց հետո։ Այս մասին հայտնում է The New York Times-ը։
«Այն դեպքում, եթե Իրանը սկսի թեքվել դեպի միջուկային զենք, ԱՄՆ տիրապետության տակ գտնվող ցանկացած տարբերակ, ներառյալ՝ ռազմական, հասանելի կմնան ինչպես գործարքի գործողության ընթացքում, այնպես էլ դրանից հետո»,- ասել է նա։
Նա նաև հաստատել է մտադրությունը՝ ուժի մեջ թողնելու պատժամիջոցները, որոնք սահմանվել են Իրանի կողմից Լիբանանում «Հըզբոլլահին» և Սիրիայում Բաշար Ասադին աջակցելու շրջանակում։
ԱՄՆ նախագահը նաև խոստացել է ուժեղացնել համագործակցությունն Իսրայելի և տարածաշրջանում դաշնակից երկրների հետ՝ Եմենում իրավիճակի ապակայունացման Իրանի փորձերին դիմակայելու նպատակով։