Replik.am-ը գրում է.

Հյուսիսային Կորեան, ուլտիմատում է ներկայացերլ Հարավային Կորեային, համաձայն որի, եթե հարավկորեական պետությունը 48 ժամվա ընթացքում սահմանին չդադարեցնի քարոզչական ինֆորմացիայի հեռարձակումը, սկսվելու են մարտական գործողություններ, հայտնում է հարավկորեական մամուլը:

Հարկ է նշել, որ կորեական երկու պետություններիր միջև այսօր արդեն փոխհրաձգություն տեղի է ունեցել: Հարավային Կորեայի զորքերը բերվել են մարտական վիճակի, այդ երկրի նախագահը նաև Անվտանգության խորհրդի նիստ է հրավիրել, տարհանվել են այն շրջանների բնակիչները, որոնց ուղղությամբ  Հյուսիսային Կորեան կրակել է:

Հիշեցնենք, որ օգոստոսի 16-ին Հյուսիսային Կորեան հայտարարեց, թե  վճռորոշ քայլեր է ձեռնարկելու, եթե ԱՄՆ չեղյալ չհամարի իր սահմանների մոտ անցկացվելիք ուսումնավարժանքները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել