Lurer.com–ը գրում է.
Արտաքին միջամտության հետևանքների վերացման համար Բունդեսթագում օգոստոսի 20-ին 4 օրով կանջատեն համակարգչային ցանցը: Ինչպես տեղեկացնում է «Արմենպրես»-ը, վկայակոչելով «Ինտերֆաքս»-ն, այս մասին հայտնել է Գերմանիայի խոհրդարանի նախագահ Նորբերտ Լամերտը:
Ըստ Deutsche Welle-ի, նա նշել է, որ օգոստոսի 24-ից ծառայությունը «կրկին կլինի աշխատանքային վիճակում»:
Ավելի վաղ տեղեկատվական տեխնոլոգիաների ոլորտի փորձագետները Բունթեսթագի համակարգչային ցանցում հայտնաբերել էին խոշոր վնասվածք, որը պատճառվել էր ցանցահենային հարձակման արդյունքում: Դրանից հետո ծրագրվել էր համակարգի որոշ բաղադրիչների փոխարինում, սակայն այն հետաձգվեց խորհրդարանի արտակարգ նիստի անցկացման պատճառով. նիստը նվիրված էր Հունաստանին ֆինանսական աջակության տրամադրմանը:
Երկուշաբթի Բունդեսթագի պատգամավորները կստանան նոր անհատական գաղտնաբառեր: Կփոփոխվեն նաև շարժական սարքերի միջոցով համակարգի հետ աշխատանքի պայմանները: