Օրվա բաղադրատոմսը. բորանի հավով և կանաչ լոբով

Բաղադրիչներ՝
հավ – 1 հատ,
կանաչ լոբի – 1 կգ,
յուղ – 3 ճ. գդ,
կանաչ սոխ, թարխուն, համեմ, մաղադանոս,
դարչին, մեխակ,
մածուն – 2 բաժակ,
սխտոր – 2 ատամիկ
Մածունը լցնել թասի մեջ, խառնել մանրացրած սխտորն ու մի քիչ աղ անել, ավելացնել դարչինի ու մեխակի փոշին: Լոբին մաքրել, եռացող աղաջրի մեջ եփել: Հավի միսը կտրատել, յուղով տապակել, մինչև կարմրի: Մեծ ու խորը ամանի մեջ լցնել լոբու մի մասը, վրան դնել հավի կտորները, լցնել մածունի սոուսը: Կանաչի կտրատել, շաղ տալ սոուսի վրա: Դնել մնացած լոբին ու հավի միսը: Նորից մածուն լցնել, կանաչի շաղ տալ: 
Բարի ախորժակ։