Երևանի քաղաքապետ Տարոն Մարգարյանի հանձնարարությամբ նախապես մշակվել է մայրաքաղաքի վարչական շրջաններում Քրիստոսի Պայծառակերպության տոնին` Վարդավառին նվիրված միջոցառումների ծրագիրը: Արաբկիր վարչական շրջանում վարդավառյան օրը մեկնարկել է տոնական շոու ծրագրով:
Ձայնային համակարգով կահավորված մեքենայի ու մոտոցիկլավարի ուղեկցությամբ տոնական զարդարված ջրցան մեքենաների շարասյունն անցել է Արաբկիրի կենտրոնական փողոցներով:
Այնուհետ մեքենաները վարչական շրջանների տարբեր բակային տարածքներում առատ ջուր են ապահովել օրվա խորհրդով համակված երեխաներին և, ինչու ոչ, նաև մեծերին: Բնակիչները շնորհակալություն են հայտնել ուրախ տրամադրություն ապահովելու այս նախաձեռնության համար և գոհունակությամբ նշել, որ նման միջոցառումներն ավանդական բնույթ են կրում:
Նյութի աղբյուր՝ https://www.yerevan.am/am/news/vardavarhe-arabkirowm-meknarkel-e-jrts-an-mek-enaneri-shk-ert-ov/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
