Esem.am-ը գրում է.
ESem.am-ը պատմել է, որ սերիալային դերասանուհի Տաթև Սարգսյանը նշանվել է: Նշանդրեքից լուսանկարների հրապարակումից հետո շատերը, ըստ Տաթևիկի, շնորհավորել էին իրեն ու սերիալային դերասան Նիկոլայ Եղիազարյանին՝ կարծելով, թե հենց վերջինս է նրա նշանածը:
«Իհարկե, լիովին հասկանում եմ, որ մեր հասարակությունը միշտ շտապում է եզրակացություններ անել, ես էլ իմ հերթին շտապեմ հիասթափեցնել,- ասաց Տաթևը` հավելելով,- իմ նշանածը Նիկոլայ Եղիազարյանը չէ: Մարդիկ հասցրեցին բավականին բուռն քննարկել դա, բայց նման բան չկա: Եթե որևէ մեկը չգիտի, ասեմ, որ Նիկոլայը իմ ամենամտերիմ ընկերն է: Էնպես որ, եկեք զուրկ մնանք այն ամենից, ինչի մասին հստակ ինֆորմացիա չունենք»:
Տաթևի խոսքով` գուցե նման խոսակցությունները տարածվել են այն պատճառով, որ սկզբում նշանածը չի ցանկացել որևէ լուսանկար ունենալ համացանցում, սակայն հետո` փոխել է միտքը:
Տաթևը չմոռացավ նաև շնորհակալություն հայտնել բոլոր այն մարդկանց, ովքեր շնորհավորել են իրենց և ուրախացել իր անձնական նորությամբ:
«Շորհակալ եմ և զգացված, չափազանց հաճելի է լսել «արժանի ես» խոսքը: Գրեթե բոլոր նամակներում դա եմ կարդում: Անծանոթ մարդկանցից ևս անկեղծ մաղթանքներ եմ ստացել. իմացեք, որ դուք իմ երջանկության մասն եք»,- եզրափակեց Տաթևը:
Տեղեկացնենք, որ Տաթևի նշանածը 35-ամյա Կարենն է, ով բնակվում է Մոսկվայում:
Ամբողջական հոդվածը կարող եք կարդալ այստեղ
