Երբ Սիան Հորթոնը հանդիպեց Թոնի Հարփերին, նա 15-ամյա շիկահեր աղջիկ էր։ Կարճ ժամանակում նրանք մտերմացան ու ընկերուհիներ դարձան։
Այս լուսանկարում Սիանը 10 տարեկան է։
Սիանը դպրոցական տարիքում և Շինը հասուն տարիքում
Տարիներ անց Սիանն անկեղծացավ ընկերուհու հետ իր գենդերային խնդիրների մասին։ Սիանը որոշեց սեռափոխություն կատարել։ Նա նաև փոխեց իր անունը, և այժմ նրան Շին են կոչում։
Թոնին 12 տարեկանում
Շինը հորմոնային բուժում սկսեց, և դրանից որոշ ժամանակ անց Թոնին ու Շինը սիրահարվեցին իրար։ Շինի ընտանիքն աջակցում էր նրան և համարում, որ Շինն ինքը պետք է տնօրինի իր կյանքը։
Շինը կատարել է կրծքերի հեռացման վիրահատություն, իսկ դրանից մեկ տարի անց՝ սեռափոխություն։ Զույգը մոտ մեկ տարի առաջ արհեստական բեղմնավորման դիմեց։ Բեղմնավորման առաջին 3 փորձերն անհաջող անցան, սակայն 4-րդը տվեց ցանկալի արդյունքը։
Երջանիկ ծնողները նորածին բալիկի հետ
Դոնորական սերմի ու բեղմնավորման 3 ընթացակարգերի համար 12418 դոլար պահանջվեց։ Արհեստական բեղմնավորման վերջին փորձը կատարվեց Առողջապահության ազգային ծառայության ֆինանսավորմամբ։
Փաստորեն, Մեծ Բրիտանիայում ծնելիության աճը տրանսգենդերների շրջանում պետական հովանավորության ներքո է գտնվում։ Ի դեպ, այս արտասովոր ամուսնական զույգի հարսանիքը ևս տեղի է ունեցել շահած գումարով։ «The Bristol Post» լրատվամիջոցը մրցույթ էր անցկացրել, որի շահողը 18640 դոլար արժողությամբ հեքիաթային հարսանեկան արարողություն պիտի ստանար իբրև մրցանակ։
 |
 |
Շինն ու Թոնին առաջ անցան մոտ 200 մրցակիցներից և հավաքելով 1,007,400 քվե՝ շահեցին սպասված մրցանակը։ Նրանց երեխան ծնվեց մայիսի սկզբին։ Նրան անվանեցին Ռոմանի Մարտին՝ ի պատիվ Շինի հանգուցյալ հոր։ Շինը հարցազրույցի ընթացքում նշել է.
Ես հավատացած եմ, որ փոքրիկը ճակատագրի նվերն է։ Հորս մոտ թոռնիկ ունենալու ցանկությունը նույնքան ուժգին էր, որքան մեզ մոտ ծնող դառնալու ցանկությունը, սակայն երբ նա դեռ կենդանի էր, հղիանալու երեք փորձերն էլ անհաջողությամբ պսակվեցին, իսկ հենց որ նա մահացավ, բեղմնավորումն առաջին իսկ փորձից բարեհաջող կերպով ստացվեց։
Այնուամենայնիվ, պետք է ընդունել, որ փոքրիկը ոչ միայն ճակատագրի, այլև Առողջապահության ազգային ծառայության պարգևն է։ Հիմա փոքրիկը միանգամայն առողջ է, սակայն Աստված գիտե, թե ինչ հոգեբանական տրավմաների կարող է նա ենթարկվել, երբ մեծանալով իմանա, որ իր մայրիկն ու հայրիկը նախկինում մտերիմ ընկերուհիներ էին, իսկ հետո, չգիտես թե ինչու, ամուսիններ դարձան։
