Վաղաժամ ծնված երեխաների համար նախատեսված ինտենսիվ թերապիայի բաժնում նորածիններին թերքաշ երեխաների համար նախատեսված հատուկ սարքերի մեջ են պահում։ Նրանց փոքրիկ մարմիններին մի շարք սնուցման համակարգեր են միացնում, քանի որ նրանց մոտ հիմնականում կլման ակտը դեռևս զարգացած չի լինում, ուստիև անհնար է լինում նրանց բնական եղանակով կերակրել։

On the way to healing: Once babies are healthy enough to be held, skin-to-skin contact can help them gain weight, sleep more, and cry less

Մայրիկները սովորաբար անհամբերությամբ են սպասում այն պահին, երբ առաջին անգամ կգրկեն իրենց մանկանը, ում  9 ամիս կրել են սեփական սրտի տակ։ Այնուամենայնիվ, թերքաշ և առողջական որոշակի խնդիրներ ունեցող բազում երեխաների ծնվելուց անմիջապես հետո տեղափոխում են ինտենսիվ թերապիայի բաժին, իսկ նրանց մայրիկներն ստիպված են լինում շաբաթներ, իսկ երբեմն անգամ ամիսներ սպասել իրենց երեխաներին գրկելու համար։

Mothers touch: Along with standard medical care, many NICUs now advocate for kangaroo care

Ատլանտայի երեխաների առողջապահական կազմակերպությունը ժամանակ առ ժամանակ ֆոտոնախագծեր է անցկացնում՝ այսպես կոչված «կենգուրուի խնամքի» մեթոդի մասին մարդկանց իրազեկելու համար։ «Կենգուրուի խնամք» ասվածը ոչ այլ ինչ է, քան մայրիկի բուժիչ գրկախառնությունը փոքրիկի հետ։ Ինտենսիվ խնամքի այն կենտրոնում, որտեղ անցկացվել է ֆոտոսեսիան, բուժվում են շնչառական, սրտային ու քաշի հետ կապված խնդիրներ ունեցող նորածինները։

Loving feeling: Skin-to-skin contact also promotes the bond between moms and their new babies

Այստեղի բժիշկները բարձրորակ բուժծառայություն են մատուցում երեխաներին, սակայն ավանդական բժշկության մեթոդներն այստեղ համալրվում են կենգուրուի խնամքով։ Մասնագետները պնդում են, որ սերտ ֆիզիկական կոնտակտը նորածնի ու ծնողի միջև նպաստում է երեխայի առողջական վիճակի բարելավմանը, ինչպես նաև ավելի ամուր էմոցիոնալ կապ ստեղծում փոքրիկի ու նրա ծնողի միջև։

Complicated caresses: Mothers practicing kangaroo care often need to navigate breathing and feeding tubes

Կենգուրուի խնամք ստացող երեխաներն ավելի արագ են անհրաժեշտ քաշին գալիս, ավելի քիչ են արտասվում։ Նրանց մոտ կանոնավորվում է նաև շնչառությունը և սրտի աշխատանքը։ Այս մեթոդը բարերար ներգործություն է ունենում նաև մայրիկների առողջության վրա։ Այն  նպաստում է նրանց սթրեսակայունությանն ու կաթնարտադրությանը։

Bonding time: Several of the mothers photographed for this series called their children miracles; the mom pictured here said holding her daughter Lhundyn was overwhelming, a joyous moment

Ինտենսիվ թերապիայի բաժնի բուժաշխատող Միրա Ռոլֆսն իր խոսքում նշել է.

Որոշ փոքրիկներ այնքան փխրուն են, որ նրանց միայն ծննդյան օրից շաբաթներ կամ ամիսներ անց կարելի է գրկել։ Երբ այս երեխաները մի փոքր մեծանում ու ուժ են հավաքում, բուժքույրների մի ամբողջ թիմ է պահանջվում լարերը տեղաշարժելու ու երեխային ապահով կերպով մոր գիրկը հանձնելու համար։ Մայրիկի գրկում երեխաներն այնպիսի ապաքինում են ստանում, որ ոչ մի տեխնոլոգիական սարք չի կարող ապահովել։ Դա մայրական ջերմ հպումների ուժն է։

Overjoyed mama: Baby Levi, pictured, is his moms first child; she said she felt perfect holding him

Ատլանտայի բուժկենտրոնի այս ֆոտոշարքում պատկերված են մայրիկներ իրենց նորածինների հետ։ Մայրիկներից մեկն առաջին անգամ ֆոտոսեսիայի օրը գրկեց իր փոքրիկ երկվորյակներին։ Պատմելով իր տպավորությունների մասին՝ նա ասել է.

Worth the wait: This mom welcomed twins - but was only able to hold baby Major, pictured here, nine weeks after giving birth

Դա նման է այն զգացողությանը, երբ ողջ տարի ծննդյանդ օրվան սպասելուց հետո տարեդարձիդ օրը բացում ես աչքերդ ու տեսնում լավագույն նվերը, որ կարող էիր ակնկալել։

Այս կնոջ զույգ բալիկները ծնվել էին սահմանված ժամանակից մի քանի ամիս առաջ, սակայն նրանց կյանքը հաջողվեց փրկել։ Կենգուրուի խնամքի ու ինտենսիվ թերապիայի շնորհիվ նրանք օր օրի ավելի են կազդուրվում։ Հիմա արդեն սարերի հետևում չէ այն օրը, երբ նրանք դուրս կգրվեն հիվանդանոցից։  

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել