Esem.am-ը գրում է.
Դերասան-ամուսիններ Սարգիս և Մանո Գրիգորյաններն իսկական «Հոլիվուդ փարթի» էին կազմակերպել փոքրիկների համար: Առիթը ամուսինների ավագ դստեր` Էվայի, 5 ամյակն էր, որը Մանոյի մտահղացմամբ անցել է հոլիվուդյան «կանոններով»:
ESem.am-ի հետ զրույցում դերասանուհի մայրիկը նշեց, որ որոշել են այս անգամ տարբերվել, քանի որ մանկական սրճարաններում երեխայի տոնը նշելն արդեն ձանձրալի է դարձել:
Մանոյի մտահղացմամբ` հրավիրված բոլոր փոքրիկները հագնվել են հոլիվուդյան աստղերի պես, ժամանել հատուկ մեքենաներով ու անցել կարմիր գորգով: «Էվայի համար ընտրել էինք Օդրի Հեփբերնի կերպարը, իսկ Յանան փոքրիկ Մերիլին Մոնրոն էր»,- հայտնեց Մանոն:
Ըստ դերասանուհի-պարուհու` դստեր ծննդյան տոնին մանկական ոչինչ չի եղել, թեև հրավիրվածները հիմնականում փոքրիկներ էին: «Մոտ 10 օր առաջ սկսել ենք պատրաստվել. ամեն բան արել ենք, որպեսզի հետաքրքիր անցնի Էվայի տարեդարձը»,- նշեց Մանոն: Նրա խոսքով՝ ամեն բան հենց այդպես էլ անցել է` հետաքրքիր և օրիգինալ:
5-ամյա Էվայի՝ թվով 60 հյուերրի շարքում են եղել Գրիգոր Դանիելյանի, Արմուշի որդիները, Dj Սմոքի ընտանիքը, երգչուհի Լիդուշիկը և այլք: Ի դեպ, Արմուշի որդին Չարլի Չապլինի կերպարով է եղել:
Անդրադառնալով փոքրիկի ստացած նվերներին` Մանոն ասաց, որ Էվային հիմնականում գեղեցիկ զգեստներ են նվիրել, իսկ հայրիկը` մեծ հեծանիվ:
ESem.am-ը ևս շնորհավաորում է փոքրիկ Էվային` ծննդայն տարեդարձի կապակցությամբ:
Ամբողջական հոդվածը կարող եք կարդալ այստեղ