 |
 |
Կոստյումների, դիմահարդարման ու աքսեսուարների հարցում նրանց ճաշակը գուցեև համընկնում է, սակայն նույնը չի կարելի ասել թիկնապահների մասին։ Քիմը նախընտրում է ավելի ոճային, ավելի սլացիկ ու ավելի մեծ հռչակ վայելող թիկնապահ ունենալ։
Քիմն ու Պասկալ Դյուվիերը Քրիսն ու մարմնեղ տղան
Քիմ Քարդաշյանի թիկնապահին մենք բոլորս լավ ծանոթ ենք, այնքան լավ, որ մեզնից շատերն անգամ նրա ֆեյսբուքյան էջի հետևորդն են դարձել։
Ինչ վերաբերում է Պասկալ Դյուվիերի ինստագրամյան էջին, այս սոցցանցում նա 18.000 հետևորդ ունի։ Անգամ մեր շոու բիզնեսի որոշ աստղեր կերազեին այսպիսի ակտիվ էջ ունենալ։
Պասկալը դստրերի հետ։ Ընտանեկան լուսանկարներում նա կարող է իրեն թույլ տալ ժպտալ։
Պասկալը հայտնի դարձավ Հայաստանում Քիմի հայաստանյան այցի ժամանակ։ Ուր էլ որ Քիմը գնում է, Պասկալն ամենուրեք նրա հետ է։ Նա մինչ օրս իր պրոֆեսիոնալիզմի վրա կասկածելու առիթ չի տվել։ Այս մկանուտ գերմանացին օրական 18 ձու է ուտում՝ իր օրգանիզմին անհրաժեշտ պրոտեինի մակարդակն ապահովելու համար։
Այնուամենայնիվ, Պասկալը միշտ չէ, որ անկոտրում թիկնապահի կերպարում է։ Հետևելով նրա էջին՝ կարելի է տեսնել, թե որքան կենդանասեր, ժպտերես ու հումորով անձնավորություն է Պասկալը։
Թե ինչպիսի անձնային որակներով է օժտված Քրիս Ջենների թիկնապահը, պարզ չէ։ Թեպետ Քրիսի թիկնապահն իր մարմնի զանգվածով ակնհայտորեն գերազանցում է Պասկալին, հայտնիությամբ նա ակնհայտորեն զիջում է նրան։
Վերջերս Քրիս Ջեններն անանուն սպառնալիքներ էր ստացել, ուստի նա նոր մարդկանցով համալրեց իր թիկնապահների թիմը, սակայն Քրիսի անձնական թիկնապահն անփոփոխ մնաց։
Քրիսի անձնական թիկնապահի անունն անգամ հայտնի չէ, առնվազն մեզ։ Պարզ չէ նաև, թե նա ինչ սննդակարգ ունի, կամ արդյոք նա կենդանասեր է, թե սիրում է կենդանիներին միայն դիակ վիճակով՝ սեփական ափսեում։ Ինչ ուզում եք ասեք, Պասկալն ուրիշ է էլի:
