Օրվա բաղադրատոմսը. ջեմով ռուլետ

Բաղադրությունը

1 բաժակ այլուր 
1 բաժակ շաքարավազ 
5 հատ ձու 
1 ճաշի գդալ օսլա
1,5 թեյի գդալ փխրեցուցիչ (կամ 1 թեյի գդալ քացախով հանգցրած սոդա)

Միջուկի համար մուրաբա (ջեմ, պովիդլո), շաքարի փոշի 

Պատրաստման եղանակը

Մանրակրկիտ հարել ձուն շաքարավազի հետ, ավելացնել այլուրը, օսլան և սոդան, լավ խառնել: 
Տապակը պատել թխելու համար նախատեսված թղթով, երկու կողմից կարագ քսել: 
Լցնել խմորը թղթի վրա: 
Թխել նախապես տաքացրած ջեռոցում կամ միջին ջերմաստիճանի տակ մինչև ոսկեգունելը: 
Պատրաստի բիսկվիթին քսել միջուկը և փաթաթել ռուլետաձև: 
Վրան շաքարի փոշի շաղ տալ: 
Կարող եք մատուցել պաղպաղակով և թարմ մրգերով: