30-ամյա Քլոե Քարդաշյանն ընդամենը մի քանի տարի առաջ բոլորովին այլ տեսք ուներ։ Քլոեն թմբլիկ էր, դեմքը գեղեցիկ էր, սակայն մի տեսակ հղկված չէր։ Տքնաջան մարզումների ու գեղարարական միջոցների օգնությամբ ռիելիթի աստղն անճանաչելիորեն փոխակերպվեց։
Այնուամենայնիվ, Քլոեն այն մարդկանցից չէ, ով կանգ է առնում ձեռք բերածի վրա։ Նա մինչ օրս էլ շարունակում է կանոնավոր մարզումները։ Երեկ նա այցելել էր Բեվերլի Հիլզի մարզասրահներից մեկը։ 30-ամյա ռիելիթի աստղն այս անգամ մարզասրահ էր գնացել երկար հյուսքերով։ Անշուշտ, նրա մազերը չէին կարող այսքան կարճ ժամանակում աճել. ակնհայտ է, որ նա դիմել է մազերի արհեստական երկարացման։
Նա մարզասրահ գնացել էր բուռն երեկույթից հետո, որի ընթացքում մի լավ զվարճացել էր ռեփեր Ֆրենչ Մոնտանայի ու քրոջ՝ 17-ամյա Քայլի Ջեների հետ։ Ամուսնուց՝ 35-ամյա բասկետբոլիստ Լամար Օդոմից բաժանվելուց հետո նա սիրավեպի մեջ էր Ֆրենչ Մոնտանայի հետ, սակայն նրանց սիրավեպն աչքի էր ընկնում վայրիվերումներով, գժտություններով ու հաշտություններով։ Հիմա հաշտության փուլն է։ Ֆրենչն ու Քլոեն որոշել են վերսկսել իրենց հարաբերությունները։ Մարտին նրանք ռոմանտիկ ուղևորություն կատարեցին դեպի Մայամի, իսկ նախքան այդ միասին անցկացրին Վալենտինի օրը։ Նրանց սիրավեպը սկիզբ էր առել դեռևս 2014 թ.-ի սկզբներին, սակայն 8 ամիս անց նրանք գժտվեցին, իսկ նոյեմբերին կրկին հաշտվեցին։ Մի խոսքով, այս սիրահարները շատ «խառն են»։ Իմիջիայլոց, Քլոեն դեռ պաշտոնապես չի ամուսնալուծվել Լամար Օդոմից, թեպետ նրանք բաժանված են 2013 թ.-ից։
Օրեր առաջ Քիմն ու Քորթնին պատմել են, որ Լամարից բաժանվելուց հետո Քլոեն իր մխիթարանքը գտել է ինտենսիվ մարզումների մեջ։ Իսկ «Cosmopolitan Body»-ին տված հարցազրույցում Քլոեն ինքն է մանրամասնել իր կյանքի այդ շրջանում ունեցած դժվարությունների մասին։
Երբ ես ու Լամարը խնդիրներ ունեինք, ես որոշեցի իմ էներգիան ուղղել մարմնամարզությանը: Եթե ես տնից դուրս էի գալիս ու ընկերուհիներիս հետ տարբեր վայրեր այցելում, պապարացիները հետևում էին ինձ, ինչն ինձ ստիպում էր ավելի նվաստացած զգալ ինձ։ Մարզադահլիճն իմ միակ մխիթարանքն էր։ Այնտեղ ես կարող էի երաժշտություն միացնել, պարել ընկերուհիներիս հետ ու ինձ թույլ տալ հիմարություններ անել։
Քլոեն շատ զգայուն սիրտ ունի։ Երբ նրա խորթ հայրը հայտնեց սեռափոխության որոշման մասին, Քլոեն ամենից ավելի ծանր տարավ Բրյուսի փոխակերպումը կնոջ։ Նա մինչ այժմ էլ չի կարողանում հաշտվել այդ մտքի հետ։ Ընտանիքի մյուս անդամները շատ ավելի հանգիստ են ընդունում այս փոփոխությունը։
Լուսանկարներ նախորդ օրվա երեկույթից
Քայլին Ֆրենչ Մոնտանայի հետ
