Ինչպիսի՞ կինն է քեզ համապատասխանում. հուշում են աստղերը

Մեր աշխարհում կա մի հզոր ուժ՝ գեղեցկությունը։ Իսկ երկնակամարում՝ Ցուլի նշանը։ Նրան հովանավորում է սիրո և գեղեցկության աստվածուհին Վեներան։ Հենց նա էլ կին-Ցուլերի հաղթանակը ցանկացած տղամարդու նկատմամբ դարձնում է թեթև, իսկ իր հովանավորյալներին հաղորդում է անասելի կանացիություն, նպատակասլացություն, և պարզ է դառնում տղամարդու ընտրության արդարացիությունն ու հիմնավորվածությունը։ Հանգիստ գեղեցիկ իրերի շրջապատում, սրտի հմայիչ կնոջ հետ սա պարզապես իրականացված երազանքն է։

Եթե տղամարդն ուզում է ոչ թե հանգիստ, այլ, ինչպես ասում են, ճիշտ հակառակը, նրանց համար քիչ է ուշադրությունը Երկվորյակ կանանց դարձնելը։ Այդ կանայք անկանխատեսելի են, քմահաճ։ Նա ինտելեկտուալ է ուղեղի արկածախնդրական խառնվածքով և սուր լեզվով։ Կարծում ենք՝ այսքանը բավական է, որպեսզի կինը կարողանա ցանկացած տղամարդու կյանքի մեջ հաճելի բազմազանություն մտցնել։ Այդպիսի կանանց հետ երբեք տխուր չի լինում։ Նա խելոք է, հնարամիտ և կարոդ է մաղող գորշ անձրևի տակ սովորական զբոսանքը վերածել փայլուն արկածի։

Ձեզ հարկավոր չէ՞ այս ամբողջ իրարանցումը։ Նախընտրում եք տնարար, տնտեսվար, հիանալի խոհարար, այնպիսին, որը կարողանա տանը ստեղծել հարմարավետություն և հոգում ցնծություն։ Փնտրեք Խեցգետին։ Հենց այդ համաստեղության տակ ծնված կանայք օժտված են վերը նշված բոլոր հատկություններով, որը դարեր ի վեր տարածված է մարդկության ուժեղ կեսի շրջանում։ Այս լուսնային արարածները (Խեցգետնին հովանավորում է Լուսինը) Կենդանակերպի կանացի նախասկիզբը, պարուրում են իրենց ընտրյալներին, կաշառում բնավորության թվացյալ զիջողականությամբ, և նրանք արդեն պատրաստ են նետվել հրի ու ջրի մեջ, միայն իրականացնեն սիրած կնոջ ցանկությունը։ Դե մտածեք, էլ ինչո՞ւ դիմել ուժի, նենգության, խարդավանքներ հյուսել, երբ բավական է շատ քիչ բան՝ սեր և քնքշանք։

Ինքնավստահ պարոնայք կնախընտրեն հավանաբար կին-Առյուծներին։ Նա տղամարդկանց կնվաճի իր աշխարհիկությամբ, նուրբ կեցվածքով և դաստիարակությամբ։ Իսկ այդպիսի կնոջ սանձահարումը շոյում է նրանց ինքնասիրությունը։ Սակայն երբեք մի մոռացեք, որ սրանք այնուամենայնիվ Առյուծ են. բավական է նրանց գազազեցնել, և փափուկ թաթիկներից դուրս կպրծնեն պողպատյա մագիլներ, մեղմ պահվածքից ոչ մի հետք չի մնա, (խեղճի արժանապատվությունից, ի դեպ, նույնպես)։ Իհարկե, ոչ ուղղակի իմաստով։ Պարզապես Առյուծի ներկայությամբ պետք է իրեն պահել, ինչպես թագավորական ընդունելության ժամանակ և նրա հետ վարվել, ինչպես ազնվազարմ ծագում ունեցողի հետ։ Իսկ այդպես, ընդհանրապես, նրանք շատ քնքուշ են, խելացի, հրաշալի մայր և ունեն բազմաթիվ այլ արժանիքներ։ Նրանք Արեգակի նման կջերմացնեն իրենց տղամարդու կյանքը, չէ՞ որ այդ լուսատուն նրանց հովանավորն է։

Ում դուր են գալիս բարձր հարաբերությունները թե սիրային լիրիկայում, թե անկողնում և թե կենցաղում, նրանց համար լավագույն ուղեկիցները Կույսերն են։ Այս համաստեղությունն իզուր չէ այսպես կոչվում։ Դրանց տակ ծնվածներն առանձնահատուկ խառնվածքի տեր մարդիկ են։ Նրանց արտաքինը խիստ Է և անմեղ, բարակիրան, զգայուն ձեռքեր, նուրբ մատներ, համեստ, խոնարհած աչքեր։ Կույսերն Էությամբ մաքրության և առողջ ապրելակերպի մեծ սիրահար են։ Եթե նրա ձեռքն ընկնի կռվարար և որկրամոլ, վստահ եղեք, շուտով նա լրիվ կփոխի իր հակումները։ Հրեշտակի տեսքով և կրծքին օսլայած անձեռոցիկով կնստի ձյունաճերմակ սփռոցով ծածկված սեղանի շուրջը և օգտակար սնունդը կգովի։ Իսկ եթե տղամարդը հիվանդանա, կինն իսկույն կվերածվի հրաշալի հիվանդապահուհու։ Մի խոսքով՝ Կույսերը բացառիկ արարած են, առողջության և սիրո ինքնազոհ քրմուհիներ։

Նրբագեղություն և աշխարհիկություն սիրող տղամարդկանց ավելի հարմար են ազնվական Կշեռքները։ Միայն նա կարող Է տանն ստեղծել նրբին և լաքած մթնոլորտ, որին այնքան ձգտում Է ուժեղ սեռի ներկայացուցիչների այդ մասը։ Միայն այդ կինը կարող Է կազմակերպել փայլուն բարձրաշխարհիկ ընդունելություն։ Միայն նա Է ի զորու գնահատել և տեսնել մտքերի, բառերի քաոսի մեջ ստեղծագործական որոնումները և այլն։ Եվ ո՞վ կարող Է դիմանալ անկեղծ հիացմունքի նման շլացուցիչ կասկադին, դիմանալ իր վրա շարունակ հոսող նուրբ վերաբերմունքի հոսքին։ Չկան այդպիսիք։ Ուստի ուժեղ սեռի ներկայացուցիչների մոտ գնահատվում են այս չքնաղ արարածները։ ճակատագրի սիրելի են կոչվում նրանք, ում բախտ կվիճակվի ճակատագիրը միավորել նման հմայիչ Էակի հետ։

Տղամարդկանց ցեղի ստվար մասն այնպիսին Է, որ հազիվ ազատված մահացու, ծանր հիվանդությունից, իսկույն նետվում Է նոր արկածներ որոնելուն։ Այդպիսի տղամարդիկ սովորաբար շուտ են ընկնում կոպտավուն, անկեղծ կին–Կարիճների ցանցի մեջ։ Հմուտ գայթակղիչներ, նրանք երբեք չեն կրկնվում, նրանց կարգախոսն Է՝ բազմադեմություն, փոխակերպում, անճանաչելիություն։ Հենց նոր գործատեղում նա զուսպ Էր, անգամ սառը՝ գործարար կոստյումով։ Անցնում Է մի քանի ժամ, և ահա ընթրիքին ձեր առջև Է արդեն չքնաղ գեյշա, որն ունակ Է ցանկացած զրույց վարել, հասկանալ և կարեկցել ցանկացած խնդիր։ Հետո նոր փոխակերպություն՝ անկողնում նա արդեն հմուտ հետերա Է, ոչ մի սահման չճանաչող անսանձ երևակայությամբ։ Որովհետև գրավիչ սեքսուալությունը այս կնոջ ևս մեկ առանձնահատկությունն Է։ Հասկանալի Է, որ փեշով հրաշքը ամեն մարդու համար չէ, այլ, ինչպես ասվում է, իսկական կովբոյների։ Սակայն մյուսների համար էլ մեղք չէ երազել այս արարածների մասին։ Սակայն միանգամից զգուշացնենք, նուրբ հոգու և ստեղծագործական բոհեմի տեր ներկայացուցիչներին չարժե կապվել այդ կարգի կանանց հետ. նրանք վտանգավոր են նրանց առողջության համար։

Եթե դուք արդեն հոգնել եք նյութական բարիքներ և փող մղելու սիզիփոսյան աշխատանքից և ցանկություն է առաջացել հաղորդակցվել ինչ-որ հավերժ բանի, մտածել կանանց արժեքների մասին, հարց է ծագում, ո՞ւմ հետ է ավելի լավ դա անել։ Ցանկացած աստղագուշակ կասի կին-Աղեղնավորի հետ։ Նրանց հոգեկան մակարդակին հասնել ավելի դժվար կլինի, քան ավտոմեքենա ձեռք բերել։

Այդ նշանի ներկայացուցիչները երախտագիտությունը դարձրել են իրենց աստվածը, կուռքը։ Միայն նրանք գիտեն, ինչպես ճիշտ վարվել, որպեսզի չկործանեն իրենց անմահ հոգին, ինչ մտածել եւ ինչի մասին երազել։ Դիմեք նրանց, և նրանք հաճույքով ձեզ կկանգնեցնեն ճշմարիտ ուղու վրա։ Չէ՞ որ բոլորն ուսուցիչների կարիք ունեն, և հատկապես տղամարդիկ։ Պարզապես հարկավոր է նրանց ձեռքից բռնել և տանել դեպի լույսը՝ ուշադրություն չդարձնելով ազատվելու փորձերին, նրանց խղճուկ դիմադրությանը, չէ՞ որ նպատակն արդարացնում է միջոցները։ Իսկ հետո այնքան քաղցր կլինի հայտնաբերել հայացքների, զգացմունքների, մտքերի լիակատար համապատասխանություն։

Այն տղամարդիկ, որոնց դեպի սիրտ տանող ճանապարհն անցնում է ստամոքսի միջով, և որոնց բախտը շարունակ չի բերել այս առումով, ուղիղ ճանապարհն է Այծեղջյուրի նշանի տակ ծնված կանայք։ Նրանք ծառայական գործերի արանքում միանգամայն տանելի կերպով ի զորու են բավարարելու իրենց տնային սիրելիի քմահաճույքները՝ հաջողությամբ խրախուսելով նրանց ճաշակը։ Նրանք համակերպվող և հաճելի են նաև անկողնում։ Սակայն մի մոռացեք, որ Այծեղջյուրները մանրախնդիր անձնավորություններ են և չեն սիրում, երբ աստվածային շնորհքը փոխում են ձվածեղի հետ։ Մի՛ խանգարեք նրանց կարիերա ստեղծելուն և անպատեհ ժամանակ պահանջներ մի ներկայացրեք։

Ո՞ր տղամարդուն չի ձանձրացնում, երբ իր մոտ ամեն ինչ լավ է։ Այդպիսի տղամարդ չկա։ Եվ ահա նրանք սկսում են անհանգիստ շուրջը նայել, մոտավորապես որոշելով, թե իրենք էլ ուր գնան, թե կյանքում էլ ինչ ճաշակեն։ Եվ բոլոր այդպիսի մարդիկ ընկնում են ուղիղ կին–Ջրհոսի գիրկը։

Իսկ այս կանայք հենց այդ էլ ուզում են։ Միայն ավերեն այդպիսի դժվարությամբ ստեղծված հանգստությունը, հանրահավաքներ անեն իրավունքների և ազատությունների մասին ու մարտնչեն բարիկադների վրա։ Այս նշանն անհաշիվ քանակությամբ ծնում է ֆեմինիստների, հեղափոխականների, ազատագրված կանանց լիգայի անդամների և տարբեր կարգի ահաբեկիչների։ Այնպիսիք, որոնք ոչ միայն պայթեցնում են շենքեր ու օդանավեր, այլև հասարակական բարոյականությունը։ Անսովոր արտաքին գրավչության հետ միացած ստացվում է պարզապես հրդեհավտանգ խառնուրդ՝ Դիմացեք, տղամարդիկ անունով։

Իսկ երբ, ընդհակառակը, ձանձրացնում է թե կյանքի պրոզան, թե իրարանցումը, ճիշտ ժամանակն է նայելու Ձկների համաստեղության խորհրդավոր աշխարհը։ Այնտեղ տղամարդկանց դիմավորում են ջրահարսեր թափանցիկ, երազող աչքերով։ Անորսալի և միստիկորեն զգայուն, նուրբ և կախարդող հնազանդ։ Նրանք պարուրում են իրենց ընտրյալներին գայթակղիչ երանությամբ, պատրանքների մշուշով, իսկ դրանք, ընկնելով նրանց երևակայության հովիտը, այլևս ոչ մի տեղ չեն ուզում գնալ, ոչինչ չեն ուզում փնտրել, ոչնչի մասին չեն ուզում մտածել։