Փլուզումից տուժած 11 բանվորները գտնվում են Գրիգոր Լուսավորիչ հիվանդանոցում. ոչ ոք դուրս չի գրվել հիվանդանոցից

ԱԻՆ հասարակայնության հետ կապերի վարչության պետ Նիկոլայ Գրիգորյանը168.am-ի թղթակցին հայտնել էր, թե Խանջյան փողոցում տեղի ունեցած նորակառույց շենքի փլուզման հետևանքով փլատակների տակից դուրս բերված բանվորներից 9-ը դուրս են գրվել հիվանդանոցից:

Սակայն քիչ առաջ Գրիգոր Լուսավորիչ հիվանդանոցի ընդունարանից 168.am-ին տեղեկացրին, որ 11 բանվորները, ովքեր դուրս են բերվել փլատակների տակից, գտնվում են իրենց հիվանդանոցում, և այս պահի դրությամբ ոչ ոք դուրս չի գրվել հիվանդանոցից:

Նրանցից երկուսի վիճակը գնահատվում է միջին ծանրության, մեկը թեթև վնասվածքներ է ստացել, իսկ մյուսների վիճակը գնահատվում է կայուն ծանր:

Բոլոր տուժածները ենթարկվում են ռենտգեն ստուգումների: Մանրամասներն ավելի ուշ:

Նյութը՝ 168.am-ից