Fact.am-ը գրում է.
Ֆիննական իշխանությունները հետաքննում են գաղտնի էլեկտրոնային նամակների արտահոսքի փաստը, որը վերաբերվում էր ԵՄ-ն Ռուսաստանի դեմ պատժամիջոցներին: Երկրի վարչապետ Ալեքսանդր Ստուբի գրասենյակի ներկայացուցիչները հայտարարել են, որ նրանք փնտրում են այն «բացերը», որոնց պատճառով արտահոսք է տեղի ունեցել: «Անցյալ ուրբաթ, հայտնաբերեցինք, որ որոշ նամակներ տրամադրվել են տեղական լրատվամիջոցների հրապարակմանը: Սակայն չեմ տեսել, որ որևէ նամակ տպագրված լինի», – ասել է Ֆինլանդիայի կառավարության մամլո քարտուղար ՄարկուՄանտիլան, ում խոսքերը մեջբերում է Bloomberg-ը:
Ենթադրվում է, որ գաղտնի նամակագրության արտահոսքը տեղի է ունեցել, Յուրկի Կատայնենեի ժամանակ, հայտարարել է երկրի ներկայիս վարչապետի հատուկ խորհրդական Լաուրի Թիերալան: Կատայնենը թողեց իր պաշտոնը հունիսի 2014թ., անցնելով եվրոպական հանձնաժողովում նոր պաշտոնի: Մանտիլան ասել է, որ «գողացված» նամակագրությունն անցկացվել է վարչապետի և եւ ֆիննական քաղաքացիական ծառայողների միջև: Մամլո քարտուղարը չի հաստատել, որ որևէ հաղորդագրություն ուղարկվել է Ֆինլանդիայից դուրս:
Ֆինանսների նախարարությունը Հելսինկիում սպասում է ևս մեկ այլ տվյալների արտահոսքի հետաքննության արդյունքները: Անցյալ շաբաթ, Helsingin Sanomat թերթում հրապարակվել էր Հունաստանի իրավիճակի մասին հուշագրի հատվածները: