Կիրակի երեկոյան Թոնի Բրեքսթոնը ներկա գտնվեց «Աստղերի երեկո 2015» միջոցառմանը, որը տեղի ունեցավ Ատլանտայում։ Սա բարեգործական միջոցառում է՝ ուղղված անապահով ուսանողների կրթության ֆինանսավորմանը։ 47-ամյա աստղը, ով ամենից ավելի հայտնի է «Unbreak My Heart» երգով, միջոցառման բոլոր մասնակիցների ու հյուրերի ուշադրությունն իր վրա գրավեց։ Նա կրում էր թափանցիկ կտորից երկարափեշ զգեստ, որն ի ցույց էր դնում նրա բոլոր բարեմասնությունները։ Թեպետ հետևից զգեստը երկար քղանցք ուներ, դիմացից միայն նոսր ծոպերն էին ծածկում Թոնիի ոտքերը։ Զգեստի վերին հատվածը շղարշե կտորից էր, սակայն դրա վրայի շղարշե նախշերը ծածկում էին երգչուհու լանջերը։ Ինչ վերաբերում է աքսեսուարներին, այս հարցում Թոնին մինիմալիստական մոտեցում է դրսևորել՝ կրելով միայն ոսկյա ականջօղեր։ Թոնին այս միջոցառմանը ներկայացել էր իր երկու որդիների՝ Դենիմի և Դիզելի հետ, ովքեր դասական ոճով էին հագնված։ Անցյալ տարվա հուլիսին Թոնին ամուսնալուծվեց երաժիշտ Քերի Լյուիսից 12 տարվա համատեղ կյանքից հետո, և երեխաներն այժմ իր հետ են ապրում։
Թոնի Բրեքստոնը որդիների հետ
