Քանյե Վեսթի այցը «Թումո» կենտրոն (նոր լուսանկարներ)

Միջազգային աստղ, 21 Գրեմմիի մրցանակակիր Քանյե Ուեսթն այսօր այցելեց Թումո: Նա շրջեց կենտրոնով և ծանոթացավ Թումոյի ուսումնական ծրագրերին:

Քանյեն սկսեց իր շրջայցը՝ հանդիպելով Թումոյի երաժշտական ստուդիայի երիտասարդ երաժիշտներին և լսելով էքսպրոմտ Pyramidz և Թմբա-Թա խմբերի կատարմամբ: Քանյեն նաև այցելեց անիմացիայի դասընթացին, որին էլ հաջորդեց Թումոյի Yelling Studios-ը:

Ի՞նչ շրջայց Թումոյում առանց ռոբոտաշինության դասընթացի այցելության: Այստեղ էլ պարզվեց, որ Քանյեի մանկության սիրելի խաղալիքը Լեգոն է եղել:

Ինչպես արդեն տեղեկացրել ենք, Քանյե Վեսթն այսօր անակնկալ այցով եղել է «Թումո» ստեղծարար տեխնոլոգիաների կենտրոնում: