1in.am-ը գրում է.
Բրիտանացի գիտնականները Oxon Epidemiology-ից եզրակացրել են, որ տարեց մարդկանց շրջանում ճարպակալումը նվազեցնում է ծերունական տկարամտության առաջացման ռիսկը: Այս մասին հայտնում է Lancet ամսագիրը:
Գիտնականների խոսքով՝ իրենք էլ են զարմացել հետազոտության արդյունքներից: Նրանց եզրակացությունները հակասում են այդ հիվանդության բնույթի մասին համընդհանուր պատկերացումներին:
Հետազոտությանը մոտ 2 մլն բրիտանացի է մասնակցել:
Գիտնականների հոդվածում ասվում է, որ նիհար մարդիկ ավելի են ենթակա տարեց ժամանակ ծերունական տկարամտությամբ հիվանդանալու ռիսկին:
Բժիշկներն առայժմ հիվանդության ռիսկերի նվազման համար իրենց այցելուներին խորհուրդ են տալիս չծխել, սպորտով զբաղվել և բալասնավորված սննդակարգ պահպանել:
Գիտնականների կանխատեսմամբ՝ ծերունական տկարամտությամբ տառապող հիվանդների թիվը մինչև 2050 թ. կհասնի 135 միլիոնի:
