Tert.am–ը գրում է.
24-ամյա նյույորքցի Ռոբերտ Լին այն քչերից մեկն է, ովքեր թողնում են իրենց աշխատանքը կամ էլ իրենց աշխատանքն օգտագործում են` կյանքում ինչ-որ բան փոխելու համար:
Ինչպես ներկայացնում է Oddity Central-ը` նա «Փրկելով խոհանոցային մնացորդները» նախաձեռնության համահեղինակն է: Այդ նախաձեռնության կազմակերպիչների նպատակն է՝ վերջ դնել քաղաքային սովահարությանը, ինչի նպատակով էլ նրանք հավաքում են ավելացած ուտելիքները խոշոր հաստատություններից և բաժանում աղքատներին:
Լիի խոսքով՝ սնունդի հանդեպ իր պահպանողական մոտեցումը գալիս է իր կորեացի ներգաղթյալ ծնողներից, ովքեր երեխա ժամանակ պնդում էին սրբել ամանները և ուտելիք չթողնել դրանց մեջ: Ուսանողական տարիներին Լին որպես կամավոր աջակցել է տարբեր կազմակերպությունների, որոնք կերակրում էին անօթևաններին:
Այժմ Լին իր օգնականների հետ միասին անցնում է Նյու Յորքի փողոցներով` ռեստորաններից վերցնելով ավելացած ուտելիքի տոպրակները, որը հաստատությունները համաձայնում են նվիրաբերել՝ դեն նետելու փոխարեն: Այնուհետև հավաքաված սնունդը նրանք հասցնում են մոտակա տարածքներում գտնվող անօթևաններին:
