Araratnews.am-ը գրում է.
Այսօր ՖԻՖԱ-ն հրապարակել է ֆուտբոլի ազգային հավաքականների վարկանշային թարմացված աղյուսակը։
Հայաստանի ազգային հավաքականն առաջադիմել է 2 հորիզոնականով՝ 449 միավորով աղյուսակում զբաղեցնելով 77-րդ հորիզոնականը։ Հայաստանի ազգային հավաքականն առաջադիմել է, չնայած Եվրո 2016-ի որակավորման փուլում պարտություն է կրել Ալբանիայի հավաքականից։
Եվրո 2016-ում Հայաստանի ազգային հավաքականի մրցակիցներից Պորտուգալիան 7-րդն է, Դանիան՝ 28-րդը, Սերբիան՝ 44-րդ, Ալբանիան՝ 57-րդը։
Վարկանշային աղյուսակը շարունակում է գլխավորել Գերմանիայի ազգային հավաքականը, երկրորդը Արգենտինան է, երրորդը՝ Բելգիան։
Լավագույն տասնյակում են նաև Կոլումբիան, Բրազիլիան, Նիդերլանդները, Պորտուգալիան, Ուրուգվայը, Շվեյցարիան, Իսպանիան։
Նյութի աղբյուր՝ http://araratnews.am/hayastani-havakhakann-arajadimel-e-fifa-i-varkanshayin-aghyusakum/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել