Քիմ Քարդաշյանը կայցելի՞ Արցախ

Tert.am-ը գրում է.

Քիմ Քարդաշյանի այցելությունների մեջ նախատեսված չէ Արցախ այցելություն: Այս մասին Tert.am-ին  ասացին ռեալիթի շոուի հայազգի աստղ Քիմ Քարդաշյանի աշխատակազմի անդամները։

Tert.am-ի հետ  զրույցում  ԼՂ նախագահի մամուլի քարտուղար Դավիթ Բաբայանը հաստատեց տեղեկությունը ասելով` «Նրա հնարավոր այցի մասին  գոնե ես տեղեկացված չեմ»:

Հիշեցնենք, որ Քարդաշյանը Հայաստան է եկել մասնավոր այցով։ Բրիտանական The Daily Mail պարբերականը ավելի վաղ անդրադառնալով պատմական հայրենիք նրա ուղևորությանը, գրել էր, որ «Քիմ Քարդաշյանը վերադառնում է իր արմատներին»:

Պարբերականը նշել էր, որ Քարդաշյանների ընտանիքն ուղևորվում է Հայաստան` մասնակցելու Օսմանյան կայսրություն ժամանակ Հայոց ցեղասպանության 100-րդ տարելիցին նվիրված միջոցառումներին։