Replik.am-ը գրում է.
Բրիտանացի ոստիկանները, որոնք Արևմտյան Սուսսեքս կոմսությունում որոնում է տարեց կնոջ մարդասպանին, մտադիր է ստանալ այնտեղ բնակվող բոլոր տղամարդկանց ԴՆԹ թեսթերի նմուշները:
55-ամյա Վալերի Գրեիվսը մահացած հայտնաբերվել էր 2013 թվականի դեկտեմբերի 30-ին:
Դեպքի վայրում աշխատած քրեագետներին հաջողվել է վերցնել ենթադրյալ մարդասպանի ԴՆԹ-ի նմուշները: Դրանցից պարզ է միայն, որ այդ հանցագործը տղամարդ է:
Քանի որ նմուշի որակը թույլ չի տվել հանցագործի ինքնությունը պարզել եղած տեղեկություններով, ոստիկանությունը հունվար-փետրվար ամիսներին կոչ արեց սպանության վայրում բնակվող բոլոր տղամարդկանց կամավոր հիմունքով ԴՆԹ թեսթ հանձնել, սակայն դա էլ չօգնեց:
Ինչպես հայտնում են բրիտանական ԶԼՄ-ները, դա է պատճառը, որ ոստիկանությունն այժմ արդեն տուն առ տուն մտնում է և թեսթ հանձնելու կոչով դիմում տղամարդկանց: Սակայն պետք է նշել, որ դա չի արվում ստիպողաբար: