walrus-richard-roth1in.am-ը գրում է.

Գիտնականների ուսումնասիրությունները ցույց են տվել, որ Արկտիկայի 201 տեսակ կենդանիների ու թռչունների 195 տեսակը կտուժեն նրանց կենսատարածքների պայմանների փոփոխությունից, որը տեղի է ունենում գլոբալ տաքացման հետևանքով:

Climatic Change ամսագիրը հրապարակել է հոդված, որը մանրամասն պատմում է գիտնականների աշխատանքի մասին:

Գլոբալ տաքացման հետևանքով փոփոխությունները առաջինն իր վրա զգում է արկտիկական շրջանը:

Ուսումնասիրությունները պարզել են, որ բոլոր կենդանիների ու թռչունների 97%-ը իրենց կենսապայմանների փոփոխության զոհը կդառնան, ընդ որում՝ ամենաշատը կտուժեն կաթնասունները:

Մեծ վտանգ կսպառնա այնպիսի կենդանիների բնակության վայրին, ինչպիսիք են հյուսիսային կանադական կարիբու եղջերուն, ամերիկյան տունդրայական կարապն ու սպիտակաքունք սագը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել