1in.am–ը գրում է.
Կոսմետոլոգիայի նորություններից է այն, որ ցուրտը կօգնի կնճիռների դեմ պայքարում։ Նման եզրակացության են եկել ամերիկացի գիտնականները։ Նրանք առաջարկում են չթունավորել դիմախաղի համար պատասխանատու նյարդերը, ինչպես անում է դա բոտոքսը, այլ սառեցնել դրանք։ Նրանք կարողացել են նպատակային կերպով շարքից հանել «անպետք» նյարդերը՝ չդիպչելով գործառութային կամ մոտ գտնվող հյուսվածքներին։
Նոր մեթոդը ստացել է Myoscience անվանումը։ Գործընթացը տեղի է ունենում կրիոթերապիայի համար նախատեսված ինովացիոն սարքով։
Myoscience-ը փորձություն է անցել 41 կանանց շրջանում, որոնց ճակատի կնճիռները հեռացրել են այս մեթոդով։ Կանանց մաշկի վիճակը մի քանի անգամ է գնահատվել՝ շաբաթներ ու ամիսներ անց, և ընդհանուր առմամբ Myoscience-ը մասնագետների կողմից բարձր է գնահատվել։
Նյարդերի սառեցում կարող են անել անգամ հղի կանայք, ինչպես նաև նրանք, ովքեր առաջ բոտուլոտոքսինի ներարկումներ են ստացել։
Այլ առավելություններից բացի՝ այս թերապիան նաև ավելի մատչելի կլինի ցրտի «էժանության» շնորհիվ։
