1in.am-ը գրում է.
Բելգիայի ամենահայտնի քաղաքական գործիներից մեկին՝ Ֆլամանդական Սոցիալիստական կուսակցության նախկին առաջնորդ Ռոբերտ Ստևարտին մահացած են գտել այն բանից հետո, երբ ԶԼՄ-ներում տեղեկություն տարածվեց այն մասին, որ նա բռնաբարության համար կկանգնի դատարանի առաջ։ Այս մասին հայտնում է RIA Novosti-ն:
60-ամյա քաղաքական գործչի մարմինը գտել են Ալբերտա ջրանցքում՝ Բելգիայի արևելքում Հասելթ քաղաքից ոչ հետու։
Տեղեկությունն այն մասին, որ նա բռնաբարության գործով կկանգնի դատարանի առջև, հրապարակվել էր նախօրեին:
ԶԼՄ-ների տվյալներով՝ նրա դեմ մեղադրանքը առաջ էր քաշվել դեռ 2 տարի առաջ: Կինը, որի անունը չի հրապարակվում, նրան մեղադրել էր բռնաբարության մեջ՝ 2010թ. հեռուստաշոուից հետո, որին երկուսն էլ մասնակցել էին:
Ստևարտը հերքել է բռնաբարության մեղադրանքները՝ խոստովանելով, որ կնոջ հետ սեռական հարաբերություն ունեցել է, սակայն դա եղել է երկկողմանի համաձայնությամբ:
