Նախընտրելի է, որ հղի կանայք հրաժարվեն բջջային հեռախոսներից: Նման խորհուրդ են տալիս Յելի համալսարանի աշխատակիցները: Հեռախոսի կիրառման ժամանակ ճառագայթումը մեծացնում է երեխայի մոտ վարքի խնդիրներ առաջացնելու հավանականությունը, գրում է The Daily Mail-ը:

Հեռախոսի ճառագայթումն ազդում է ուղեղի զարգացման վրա, ինչն էլ հետագայում հանգեցնում է հիպերակտիվության, հիշողության վատթարացման: Գիտնականները նման եզրահանգման են եկել հղի մկների վրա հետազոտություններ կատարելուց հետո:

Ավելի վաղ Կալիֆոռնիայի համալսարանի գիտնականներն ապացուցել էին, որ բջջային հեռախոսներն ազդում են երեխայի վրա դեռևս ներարգանդային զարգացման փուլում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել