Մահացել է անվանի դերասան Կարեն Ջանիբեկյանը

Ankakh.com-ը գրում է.

ԿԵՆՍԱԳՐՈՒԹՅՈՒՆԸ

ՋԱՆԻԲԵԿՅԱՆ Կարեն Գուրգենի (ծ. 1.7.1937, Երևան), դերասան: ՀՀ վաստակավոր արտիստ (2004): Գուրգեն Ջ. Ջանիբեկյանի որդին: Ավարտել է ԵԳԹԻ (1964): 1953-ից՝ Երևանի Սունդուկյանի անվան (ընդհատումով), 1991-ից՝ նաև Համազգային թատրոնների դերասան:

ԳՈՐԾՈՒՆԵՈՒԹՅՈՒՆԸ

Ջանիբեկյանի լավագույն դերերից են՝ Գրիգոր («Հացավան», ըստ Ն. Զարյանի), Վինտեր (Հաուպտմանի «Մայրամուտից առաջ»), Մոլիեր («Մոլիերի կյանքը», ըստ Բուլգակովի), Քեբոտ (Նիլի «Սերը ծփիների տակ»), Ջոուն (Վ. Սարոյանի «Մի գավաթ բարություն»), Ֆաբիո (Դե Ֆիլիպոյի «Սանիտայի թաղապետը») և այլն:

Խաղացել է հեռուստաթատրոնում (Ջ. Պատրիկի «Տարօրինակ միսիս Սևիջ», «Մատյան եղելության», ըստ Ս.Խանզադյանի, «Չեզոք գոտի», ըստ Հ. Մաթևոսյանի և այլն): Նկարահանվել է կինոյում («Քաոս», 1973, «Աշնան արև», 1977, «Որտեղ էի՞ր, մարդ Աստծո», 1992, բոլորը՝ Հայֆիլմ):