Շվեյցարական՝ մարդու իրավունքների պաշտպանության «Terre Des Femmes» կազմակերպությունը հրաշալի գովազդային արշավ է մեկնարկել, որը կենտրոնանում է գենդերային հավասարության ու ֆեմինիզմի վրա՝ մեզ հիշեցնելուվ, որ կանանց գինը երբեք չպետք է չափվի նրանց բլուզի բացվածքի կամ կոշիկների կրունկների չափով։
Որոշ մարդկանց համար կոշիկների որոշակի բարձրությունը կամ շրջազգեստի երկարության չափն ասոցացվում է այն կրողի բարոյական վարքի հետ։
Այս «չափման ձողերը» ցույց են տալիս, թե որքան աբսուրդային են այս չափումներն ու կարծրատիպերը։ Անկախ նրանից, թե ինչ ես մտածում ինչ-որ մեկի հագուստի մասին, այն կրողը մարդ է, և պետք է նրան վերաբերվել ինչպես մարդուն։
Այս գովազդային պաստառների դիզայնը պատկանում է Թերեզա Վլոկային ու Գերմանիայի Համբուրգ քաղաքի Մայամի գովազդային դպրոցում սովորողներին։
