1in.am-ը գրում է.
Երկուշաբթի Եգիպտոսի դատարանում սկսվել է երկրի ամենահայտնի պորտապարուհու՝ հայազգի Սաֆինազի դեմ դատավարությունը՝ կատարման ժամանակ ազգային դրոշի անարգման մեղադրանքներով։ Այս մասին հայտնում է Gulf News-ը։
Սաֆինազը, որը վերջին տարիներին Եգիպտոսում պարային ոլորտի սենսացիա էր դարձել, հերքում է մեղադրանքները՝ ասելով, որ սիրում է երկիրը և մտադրություն չի ունեցել վիրավորել ժողովրդին։
Դատավարությունը կապված է 2014-ի հուլիսին կայացած համերգի ժամանակ նրա կատարմանը, երբ նա կրել է կոստյում՝ եգիպտական դրոշի գույներով։
30-ամյա պորտապարուհին երկուշաբթի չի հայտնվել Կահիրեի դատարանի առջև։ Դատախազության ներկայացուցիչը կոշտ պատժի սահմանման կոչ է արել դատարանին։ Մեղադրանքների հաստատման դեպքում պարտապարուհուն սպառնում է մեկ տարվա ազատազրկոմ և 30 հազար եգիպտական ֆունտ։
Դատարանը հետաձգել է դատը մինչ ապրիլի 6-ը, որպեսզի թույլ տա պարուհու փաստաբանին ուսումնասիրել գործին առնչող փաստաթղթերը։
Վերջին հարցազրույցներից մեկում Սաֆինազը, որն ամուսնացած է եգիպացու հետ, անանուն հակառակորդներին մեղադրել է իրեն հեղինակազրկելու փորձերի համար։
