Mediamonitor.am-ը գրում է.
New York Times-ի լրագրող Տարա Պարկեր-Պոպը ամուսնական երջանկության վերաբերյալ գիտական ուսումնասիրությունները մեկտեղել է «Դեպի հաղթանակ» կոչվող իր գրքում:
Ահա և երջանիկ ամուսնության 7 կետից բաղկացած բաղադրատոմսը
- Նշել լավ իրադարձությունները
Պարզվում է, ամուսնալուծությունը ոչ այնքան բացասական իրադարձությունների կուտակման հետևանք է, որքան դրական երևույթների նվազման արդյունք:
«Մենք բացահայտել ենք, որ դրական իրադարձությունները շատ ավելի կարևոր են»,- ասում է Հովարդ Մարկմանը՝ Դենվեր համալսարանի Ամուսնական և Ընտանեկան գիտությունների կենտրոնի համանախագահը, և երկրի առաջատար ամուսնական ոլորտի գիտաշխատողներից մեկը: «Ստացվում է, որ զույգերի համատեղ ուրախ ժամանցը և ամուր ընկերությունը հանդիսանում է նրանց համատեղ ապագայի գրավականը»:
Ի՞նչ անել: Ավելի հաճախ իմաստավորեք երջանիկ պահերը:
Հետազոտությունները ցույց են տալիս, որ այն զույգերը, ովքեր պարբերաբար նշում են լավ իրադարձությունները, ավելի նվիրված են, մտերիմ, վստահում են միմյանց և հարաբերություններում ինքնաբավ են: Բավական չէ կողակցի իմանալը, որ դուք հպարտանում եք նրա կատարելությամբ: Դուք պետք է դա ցույց տաք: Անգամ ամենաչնչին հաճելի իրադարձությունների շուրջ աղմուկ բարձրացնելը, որոնք ամեն օր են պատահում, կարող է նպաստել ձեր ամուսնական հարաբերությունների բարելավմանը:
- 5-ը 1-ի դեմ
Որքան լավ պահեր են ձեզ անհրաժեշտ վատերը շրջանցելու համար: Հետազոտությունը ցույց է տալիս որ ամեն վատ իրադարձությանն անհրաժեշտ է հակադրել 5 լավ իրադարձություն
Կարիք չկա հաշվել ամեն մի դրական և բացասական իրադարձություն, բայց եթե դրանք ձեր կյանքում հավասար են, ձեր բաժանվելու հավանականությունն աճում է:
Երբ Վաշինգտոնի համալսարանի հետազոտողները ուսումնասիրում էին տվյալները, բացահայտեցին մի հետաքրքիր օրինաչաձություն: Հաստատուն ամուսնություններում դրական փոխհարաբերությունների փորձը առնվազն հինգ անգամ գերակշում է բացասականին: Այս ամենի գործնական եզրակացությունն այն է, որ վատ պահվածքից հետո «Կներես» ասելը դեռ բավարար չէ: Ամուսնության ընթացքում անձը յուրաքանչյուր չար քննադատությունից և բացասական պոռթկումից հետո պետք է կտրուկ ավելացնի դրական դրսևորումների թիվը ռիսկային գոտում չհայտնվելու համար:
Ամբողջական հոդվածը կարող եք կարդալ այստեղ
