Մայքլ Մոլոնին այսօր մեկ տարեկան դարձավ։ Նրա մայրիկը՝ տիկին Միշելը, հույս չուներ, որ երբևէ կնշեր իր փոքրիկի տարեդարձը։ Նա դեռ հղի էր, երբ բժիշկներն ասացին, որ երեխան փրկվելու շանս չունի ու խորհուրդ տվեցին հղիության արհեստական ընդհատման դիմել, որովհետև այսպես թե այնպես վիժումն անխուսափելի էր լինելու։ Տիկին Մոլոնին չէր ցանկանում ենթարկվել բժիշկներին. նա ինչ-որ ներքին վստահություն ուներ, որ շուտով մայրանալու է։ Ժամանակը ցույց տվեց, որ նրա ներքին ձայնը չէր սխալվում։ Նա տեղափոխվեց հիվանդանոց, որպեսզի հղիության այդ վտանգավոր շրջանում բժիշկների հսկողության տակ լինի։ Տիկին Մելոնին արդեն երկու երեխա ուներ, իսկ նրա երրորդ բալիկը ծնվեց հղիության 26-րդ շաբաթում։ Փոքրիկը հակառակ դիրքով էր գտնվում մոր որովայնում, ինչը լրացուցիչ դժվարություն էր ստեղծում բժիշկների համար։ Երեխան թոքերի վնասվածք ուներ, ինչպես նաև նորմայից զգալիորեն թերքաշ էր։ Վաղաժամ ծնված Մայքլը մոտ 1.5 կգ էր կշռում։ Նա այնքան փխրուն էր, որ նրա ծնողները վախենում էին անգամ գրկել նրան։ Սկզբի մի քանի օրերն իսկական մղձավանջ էին, քանի որ բժիշկները ոչ մի երաշխիք չէին տալիս, որ երեխան կառողջանար ու ողջ կմնար, սակայն Մայքլն ապացուցեց, որ ինքն ուժեղ բալիկ է ու չնայած բժիշկների կասկածներին ու ծնողների մտահոգություններին՝ Մայքլն իր առաջին տարեդարձը նշում է ողջ ու առողջ վիճակում։
 |
 |
 |
 |
