Հետաքրքրական և "համով" փաստեր շոկոլադի մասին

Barometer.am-ը գրում է․

Մենք այն ուտում ենք, երբ քաղցած ենք, երբ դեպրեսիայի մեջ ենք, ուտում ենք նաև երբ մեզ լավ ենք զգում, շոկոլադը գրեթե բոլորի կյանքի անբաժան մասն է կազմում: Շոկոլադն, անշուշտ, մարդկության լավագույն գյուտերից է: Կաթնային, սև, սպիտակ՝ յուրաքանչյուրը կարող է գտնել ըստ իր ճաշակի: Շոկոլադի մասին բազմաթիվ փաստեր կան, որոնց մասին մենք նույնիսկ չենք կասկածում, ներկայացնենք դրանցից մի քանիսը: 

• Կակաոյի ծառերը կարող են ապրել մինչև 200 տարի, բայց պտուղ տալիս են միայն 25 տարի:
• Տարեկան ամերիկացիներն ուտում են 1 միլիարդ կգ կոնֆետ, որից կեսը բաժին է հասնում շոկոլադին:
• Համաշխարհային արտադրության նուշի մոտ 40%-ը և գետնանուշի 20%-ն օգտագործվում են շոկոլադ պատրաստելու համար:
• Աշխարհի ամենամեծ շոկոլադե սալիկը կշռում էր 5.8 տոննա, այն պատրաստվել է բրիտանական Thorntons plc գործարանում 2011 թ.-ի հոկտեմբերի 7-ին:
• Ալֆրեդ Հիչկոկի հանրահայտ "Psycho" ֆիլմի արյունալի տեսարաններում շոկոլադե օշարակ է օգտագործվել:
• "Շոկոլադ" բառը հավանաբար ծագել է "xocolātl" բառից, որը նաուատլ լեզվից թարգմանաբար նշանակում է "դառը ջուր":
• 450 գրամ շոկոլադի արտադրության համար պահանջվում է 400 կակաոյի լոբի:
• Հետազոտությունները ցուց են տվել, որ սև շոկոլադը բարելավում է հիշողությունը, ուշադրությունը, խնդիրներ լուծելու կարողությունը՝ արյան շրջանառությունը լավացնելու հաշվին: Այն նաև իջեցնում է արյան ճնշումը:
• Համաձայն նոր գիտական հետազոտության՝ շոկոլադը կանխում է բարդությունները հղիության ժամանակ:
• Ացտեկները կակաոյի պտուղները համարում էին Իմաստության աստծո պարգևներ: Դրանք այնքան էին գնահատվում, որ որոշ ժամանակ օգտագործում էին փողի փոխարեն:
• Ամերիկյան ամենախոշոր և ամենահին գործարանը Hershey’s-ն է, տարեկան այնտեղ արտադրվում է 1 միլիարդ կգ-ից ավելի շոկոլադ:

Ամբողջական հոդվածը կարող եք կարդալ այստեղ