Tert.am-ը գրում է.
Ստամբուլում կրկին նորաձև է տղամարդկանց կոնքապարը, որը կոչվում է «զեննե», գրում է Газета-ն՝ հղում անելով The Wall Street Journal-ին։
Պարբերականը հիշեցնում է, որ ժամանակին նման պարողները համարվում էին օսմանյան սուլթանների պալատական աստղերը, սակայն վերջին տասնամյակների ընթացքում այս ժանրի արտիստները չեն երևում։
«Զեննե» պարի հեղինակության նոր թափը սկսվել է օսմանյան ժամանակաշրջանի մշակույթի վերածննդի շնորհիվ, որը նկատելի է հեռուստատեսությունում, նորաձևությունում և քաղաքականությունում։
Այժմ տղամարդկանց այս պարը կարելի է տեսնել ակումբներում և անհատական միջոցառումների ժամանակ, այդ թվում՝ ծննդյան տոնակատարությունների և հարսանիքների ընթացքում։
Տղամարդ արտիստների հագուստները գրեթե ամբողջությամբ նման են այն հագուստներին, որոնք կրում են կանայք կոնքապարի ժամանակ։
Պարբերականը նկատում է, որ տղամարդկանց այս պարի վերածնունդը համընկել է այն փուլի հետ, երբ թուրքական իշխանությունները երկիրը տանում են ավելի շատ կրոնական ուղղությամբ։