76a50c9a-823e-3cf0-a0a6-0982d7efcd51Araratnews.am-ը գրում է․

Գերմանիայի առաջնության 24-րդ տուրում Դորտմունդի «Բորուսիան» արտագնա մրցավեճում ուժերն էր չափում «Համբուրգի» հետ:

Հայաստանի հավաքականի առաջատար Հենրիխ Մխիթարյանը դաշտ էր դուրս եկել մեկնարկային կազմում ու խաղաց 76 րոպե: Նրան փոխարինեց Յակուբ Բլաշիկովսկին:

Չնայած ունեցած մի շարք պահերին, թիմերը այդպես էլ չկարողացան գտնել միմյանց դարպասները տանող ճանապարհները: Արդյունքում` գոլազուրկ ոչ-ոքի: «Բորուսիայի» հաղթարշավը ավարտվեց:

Այս տուրից հետո Դորտմունդի «Բորուսիան» վաստակեց 29 միավոր ու շարունակում է ընթանալ 10-րդ հորիզոնականում:

Նշենք, որ Մյունխենի «Բավարիան», միևնույն ժամանակ, հյուրընկալվելիս կարողացավ հաղթանակի հասնել «Հանովերի» նկատմամբ 1-3 հաշվով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել