Mirror twins: Naomi (left) and Hannah Moxon (right) do everything the opposite way around

Ուղիղ տասնինը տարի առաջ Մոքսոնների ընտանիքում միաբջիջ երկվորյակներ ծնվեցին։ Աղջիկներից մեկին Նաոմի անվանեցին, իսկ մյուսին՝ Հաննա։ Երբ Պիտերբորոյի այս փոքրիկ բնակչուհիները մի փոքր մեծացան, նրանց մայրիկը նկատեց, որ Նաոմին ձախլիկ է, իսկ Հաննան՝ աջլիկ։ Աղջիկների ծնողներին թվաց, որ դա պատահականություն է, սակայն ավելի ուշ պարզ դարձավ, որ նրանք հայելային երկվորյակներ են։

Sister act: Naomi (left) and Hannah Moxon (right) with their mother Karen

Աղջիկները մայրիկի հետ

Հայելային երկվորյակները ծնվում են այն դեպքերում, երբ բեղմնավորված ձվաբջիջն ուշ է բաժանվում։ Հայելային երկվորյակները միաբջիջ երկվորյակների 25 տոկոսն են կազմում։ Նրանք ասես մեկը մյուսի արտացոլանքը լինեն։ Օրինակ՝ Հաննայի մոտ կաթնատամները սկսեցին դուրս գալ մի կողմից, իսկ Նաոմիի մոտ՝ մյուս։ Երբ Հաննան ու Նաոմին դեմ առ դեմ նստած ճաշում կամ գրում են, մեկը մյուսին նայելիս նրանց մոտ այնպիսի տպավորություն է ստեղծվում ասես նրանցից յուրաքանչյուրն իր արտացոլանքն է տեսնում հայելու մեջ։

Hannah (left) and Naomi are starring in the BBC TV show The Voice

Աղջիկները սիրում են միանման հագնվել, միանման սանրվածքներ անել ու միանման դիմահարդարվել։ Նրանք իրար հասկանում են կես խոսքից։ Հարցազրույցի ընթացքում նրանք նշել են.

Մենք միշտ պաշտպանում ենք իրար։ Դպրոցում մեզ շատ էին ծաղրում այլ երեխաներից տարբերվելու համար. մեր դասարանում միայն մենք էինք երկվորյակներ։

Bundles of delight: Although identical, tiny tots Hannah and Naomi are known as mirror twins

Նաոմին ասել է, որ իրենց նմանության դրական կողմերից մեկն այն է, որ ինքը կարող է քրոջը խնդրել փորձել որևէ իր, որպեսզի կողքից դիտողի հայացքով տեսնի, թե արդյոք այն իրեն կսազի։

The twins, pictured Naomi, left, and Hannah, aged two

Այս կամ այն զգեստի կամ աքսեսուարի մասին խոսելիս յուրաքանչյուրս ասում ենք. «Այսինչ բանը սազում է ՄԵԶ, ոչ թե ԻՆՁ»։ Մենք ասես կես մարդ լինենք, ովքեր իրար հետ միասին մեկ ամբողջություն են կազմում

կես կատակ-կես լուրջ եզրափակել է Նաոմին։

So much alike: The girls have different hair partings and one is left handed and the other right handed

Հաննան ու Նաոմին հաճախ ավարտում են մեկը մյուսի սկսած նախադասությունը ու կարող են անգամ առանց խոսքի կռահել իրար մտքերը։ Նրանք երբեք մի քանի ժամից երկար չեն անցկացրել իրարից հեռու։

Talented: The girls mother, Karen, discovered her daughters were different from an early age Talented: The girls mother, Karen, discovered her daughters were different from an early age

6-րդ դասարանում աղջիկները փոխեցին իրենց դպրոցը ու սկսեցին երաժշտական գործունեությամբ զբաղվել։ Սկզբնական շրջանում նրանք երգում էին տարբեր խնջույքների ու հարսանիքների ժամանակ, սակայն վերջերս նրանք մասնակցության հայտ ներկայացրին «The Voice» երաժշտական նախագծին ու ավելի պրոֆեսիոնալ մակարդակով սկսեցին զբաղվել իրենց կարիերայով։

Close sisters: Hannah (left) and Naomi, pictured aged eight, are appearing on BBC1s The Voice

Ինչպես կարելի էր կռահել, նրանք նախագծին մասնակցում են ոչ թե առանձին-առանձին, այլ դուետով։ Այս տաղանդավոր հայելային երկվորյակների դուետը կոչվում է «Classical Reflections»։ Աղջիկների առաջին կատարումն այս նախագծին մեծ աղմուկ բարձրացրեց ու քննարկումների առարկա դարձավ։

The girls enjoy slicing the cake - holding the knife in different hands to each other

«Twitter»-ի այն օգտատերերը, ովքեր ակտիվորեն հետևում էին նախագծին, երկու խմբի բաժանվեցին։ Նրանց մի մասը միայն գովեստի խոսքեր էր շռայլում աղջիկների հասցեին սոցկայքում, իսկ մյուսը՝ պարսավանքներ։ Մի քանի օգտատերեր անգամ համեմատել էին նրանց ամերիկյան հայտնի սարսափ ֆիլմերից մեկի երկվորյակներին։ Այնուամենայնիվ, դպրոցական տարիների փորձը կոփել է աղջիկներին՝ որպես ուժեղ անհատականություններ, ուստի նրանք սովորել են շատ չնեղվել բացասական մեկնաբանություններից։ Դե ինչ, հուսանք, որ աղջիկներն իսկապես նեղվելու առիթներ շատ չեն ունենա մյուսներից տարբերվելու կամ իրար նման լինելու պատճառով, և հաղթանակ մաղթենք նրանց։  

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել