Սկանդալային երգչուհի Չարլի XCX-ը առաջին անգամը չէ, որ պիտի ռիսկի գնար նորաձևության աշխարհում: Երգչուհին հաճախ է հանդես գալիս համարձակ կերպարներով, սակայն ամեն ռիսկ չէ, որ արդարացված է: Լոնդոնի 02 մարզահամալիրում երեկ տեղի ունեցած բրիտանական ամենամյա մրցանակաբաշխության ժամանակ Չարլին շղարշե կտորից ասեղնագործված զգեստ էր կրում: Առաջին հայացքից սովորական թվացող այս զգեստն իրականում պայթյունավտանգ է: Բանն այն է, որ այն միայն առջևից է սովորական, սակայն բավական է, որ Չարլին 50 աստիճան շրջվի, ու զգեստի տակից աչքի զարնեն նրա բարեմասնությունները: Սա այն դեպքերից է, երբ անգամ ամենախոր ստանդարտ լանջաբացվածքն ավելի անվտանգ է: Երգչուհու Boom Clap երգն առաջադրվել էր լավագույն տեսահոլովակ անվանակարգում, ու թեև հաղթող ճանաչվեց One Direction-ի տեսահոլովակը, երգչուհին այնքան էլ չնեղվեց դրանից: Հավանաբար նա առաջնորդվում է «կարևորը մասնակցությունն է» կարգախոսով: Չարլիի ամենասիրած ժամանակաշրջանը նորաձևության տեսանկյունից 90-ականններն են: Էկսցենտրիկ ոճով աչքի ընկնող Չարլիին լրագրողներից մեկը հացրել է, թե արդյոք նա չի՞ կաշկանդվում, որ զգեստն ի ցույց է դնում նրա կուրծքը, ինչին ի պատասխան երգչուհին պատասխանել է, որ բնավ չի կաշկանդվում, այլ հակառակը՝ շատ ոգևորված է: Այուամենայնիվ, դատելով նրա լարված ու նույնիսկ փոքր-ինչ կուչ եկած կեցվածքից՝ Չարլին մի քիչ կաշկանդված է զգում իրեն այս անհարմար զգեստի մեջ:
 |
 |
