Սկանդալային երգչուհի Ռիտա Օրան այս անգամ էլ չհապաղեց ապշեցնել երկրպագուներին իր շենշող տեսքով: Օսկարի մրցանակաբաշխությանը նա ներկայացել էր այնպիսի համարձակ զգեստով, որ ի ցույց էր դնում նրա բարեմասնությունները: Պարզապես անհնար էր աչք կտրել շղարշե կտորի տակից թափանցող նրա ճեպ-ճերմակ մաշկից: Երեկ «BRIT Awards» ամենամյա մրցանակաբաշխության կարմիր գորգին նա դույզն-ինչ ավելի համեստ զգետով էր ներկայացել, բայցևայնպես շլացուցիչ տեսք ուներ: Երգչուհու թեկնածությունը ներկայացված էր «Տարվա լավագույն տեսահոլովակ» անվանակարգում, սակայն այս անվանակարգում հաղթող ճանաչվեց «One Direction» խումբը: Ռիտա Օրան բեմ բարձրացավ Օրլանդո Բլումի հետ՝ տարվա լավագույն մեներգչին ներկայացնելու համար: Ինչպես կարելի էր ակնկալել, ընթացքում նա սկսեց թեթևակի սիլի-բիլի անել Օրլանդոյի հետ, սակայն կարևորն այն է, որ սիրախաղով տարված՝ Օրլանդոն ու Ռիտան չմոռացան մրցանակը հանձնել Էդ Շիրանին:
Եթե Օսկարի մրցանակաբաշխությանը նորաձևության գիտակները իբրև Ռիտայի հիմնական մրցակից տեսնում էին Իրինա Շեյքին, ով ևս չափազանց համարձակ զգեստով էր ներկայացել, այս անգամ Ռիտայի հիմնական մրցակիցը երգչուհի և կոմպոզիտոր Էլի Գոլդինգն էր: Երկու երգչուհիներն էլ թափանցիկ գործվածքից զգեստներ էին կրում, սակայն Ռիտան գերազանցում էր ճերմակազգեստ Էլիին թե՛ փայլով, թե՛ լանջաբացվածքի խորությամբ: Դիտեք ֆոտոշարքը և ինքներդ կհամոզվեք:
Ռիտա Օրան լուսանկարվում է երկրպագուների հետ:
Էլին ևս չի մերժում երկրպագուներին, երբ վերջիններս սելֆի են խնդրում:
Էլին միջազգային մեներգչուհու մրցանակն է հանձնում այդ անվանակարգում հաղթող ճանաչված Թեյլոր Սվիֆթին:
Մի քիչ բեմական ֆլիրտն Օրլանդոյի հետ չի խանգարի:
Ահա և Էդը ստացավ բաղձալի մրցանակը:
Ռիտան զրուցում է կատակերգակ Ջիմի Քարի հետ:
Այս նկարն ապացուցում է, որ Ռիտան ու Էլին իրականում բնավ էլ չեն մրցակցում, այլ անկաշկանդ շփվում են մի քիչ ալկոհոլ օգտագործելուց հետո: Դե ինչ, ձեզ բարի ժամանց, գեղեցկուհինե՛ր:
