Հինգշաբթի երեկոյան Պամելա Անդերսոնն այցելել էր «Spaghettini» ռետորան։ Երբ 47-ամյա դերասանուհին ավարտել էր համեղ ընթրիքն ու դուրս էր գալիս ռեստորանից, պապարացիները պատրաստակամորեն սպասում էին նրան։ Ի զարմանս բոլորի՝ նա ռեստորան եկել էր չափազանց ժամանակակից «երեկոյան զգեստով»։ Դասական ու «քեժուըլ» ոճերի միախառնման արդյունքում Պամելան ստացել էր մի նոր ոճ՝ «բոմժական»։ Շիկահեր գեղեցկուհին այս լայն ճերմակաթույր վերնաշապիկի վերջին մի քանի կոճակները չէր կոճկել՝ փորձելով գրգռաճեղքի տպավորություն ստեղծել։ Շիկահեր Պամելան չէր մոռացել հոլիվուդյան ժպիտի մասին, սակայն փոխարենը մոռացել էր կրծկալ հագնել վերնաշապիկի տակից, թեպետ ով իմանա, գուցե այս քայլը նույնպես կանխամտածված էր նորաձևության գիտակների կողմից։ Պամելայի կերպարն ամբողջացնում էին ծիծակ կոշիկները։ Ամենակարևորը, հեռախոսի սպիտակ եզրերը սազում էին «երեկոյան զգեստի» հետ՝ առանձնահատուկ փայլ հաղորդելով Պամելայի կերպարին։
Իմիջիայլոց, սա առաջին անգամը չէ, որ աշխարհահռչակ դերասանուհին այսպիսի ոճով է հանդես գալիս, սակայն այս ոճն այնքան է դուր եկել նրա ամուսնուն, որ նա ևս սկսել է ընդօրինակել այն։ Ինչ խոսք, շատ համապատասխան զույգ է։
Այնուամենայնիվ, ցանկության դեպքում նրանք կարողանում են մի փոքր հեռանալ այս գերժամանակակից ոճից։